مێرمنداڵەکان بەخراپترین شێوە ئەشکەنجەدرابوون
رووداو - سلێمانی
زڕدایک و باوکێک لە پارێزگای سلێمانی دوای دووساڵ لە دەستبەسەرکردنیان بەهۆی ئەشکەنجەدانی سێ مێرمنداڵیان، لەلایەن دادگاوە بڕیاری 12 ساڵ زیندانیکردنیان بۆ دەرچوو.
سێ مێرمنداڵەکە لە شارۆچکەی ئاخجەلەری سەر بە پارێزگای سلێمانی لەلایەن باوك و زڕدایكەكەیانەوە بەتووندترین شێوە ئەشكەنجەدرابوون، دوای ئاشكرابوونیان لە 1-12-2016 دەستگیركران، دوای دووساڵیش بەسەر رووداوە حوکمدران.
رائید هێمن عەلی رەسوول، لێپرسراوی نووسینگەی بەرەنگاربوونەوەی تووندوتیژی دژ بە ئافرەتان لقی چەمچەماڵ لە کۆنگرەیەکی رۆژنامەڤانیدا رایگەیاند "باوک و زڕدایکی ئەو سێ منداڵە دوای ئەوەی بابەتەکە لە میدیا بڵاوبووە و کاری لەسەرکرا لە رێککەوتی 1-12-2016، دەستبەجێ تیمەکانمان دەستگیریانکردن".
رائید هێمن عەلی هەروەها دەڵێ "ئێستا بارودۆخی ئەو سێ منداڵە باشە و لەلایەن مامیانەوە بەخێودەکرێن".
دوای بڵاوبوونەوەی كەیسی ئەو منداڵانە لە بەرنامەی هۆت لاین-ی تەلەڤیزیۆنی رووداو پێش دووساڵ، محەممەد مەحموود، کە پزیشکە ئامادەیی خۆی دەربڕی، نەشتەرگەری بۆ ئەو منداڵانە بكات کە بەگوتەی بێستوونی مامی ئەو سێ مێرمنداڵە "بەهۆی ئەشکەنجەدانیان نزیكەی 25 نەشتەرگەرییان پێویستە".
تەواوی بەرنامەی هۆتلاین لە 1-12-2016 کە تایبەت بوو بەو کەیسە
داڕشتنەوە: هەڵات رێبوار
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ