هەڵەیەک روویدا! دووبارە هەوڵبدە
هەولێر دیجیتاڵ
بەڕێوەبەرایەتیی نەهێشتنی مادە هۆشبەرەکان رایگەیاند، "دوو بازرگانی مادەی هۆشبەر دەستگیرکران و 7 کیلۆ ماریوانە دەستی بەسەردا گیرا."
رۆژی یەکشەممە، 02-02-2025، بەڕێوەبەرایەتیی نەهێشتنی مادە هۆشبەرەکانی دەزگای ئاسایشی هەرێمی کوردستان رایگەیاند، "دوای بەدواداچوون و کۆکردنەوەی زانیاری، دوو بازرگانی مادەی هۆشبەرمان دەستگیر کرد؛ هاوکات دەست بەسەر بڕی 7 کیلۆگرام مادەی هۆشبەر لە جۆری ماریوانەدا گیرا."
ئاسایشی هەرێمی کوردستان روونیکردەوە، "بازرگانەکان لە دەوروبەری سلێمانی بەنیازبوون هۆشبەرەکە بۆ شاری کەرکووک بگوازنەوە. لەسەر فەرمانی دادوەری لێکۆڵینەوەی ئاسایش، توانیمان شکست بە پیلانەکە بهێنین."
بەگوێرەی بەڕێوەبەرایەتیی نەهێشتنی مادە هۆشبەرەکان، تۆمەتباران بە مادەی 25 لە یاسای بەرەنگاربوونەوەی مادە هۆشبەرەکان و کارتێکارە عەقڵییەکان راگیراون؛ لێکۆڵینەوە لە دۆسیەکەیان بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ