رووداو دیجیتاڵ
رێکخەری سەنتەری میترۆ بۆ داکۆکی لە مافی رۆژنامەنووسان دەڵێ، هێمن مامەند بە دوو گوللە بریندارکراوە. بەڕێوەبەری سەنتەرەکەش دەڵێت: "لەلایەن ئاسایشەوە لێکۆڵینەوە لە رووداوەکە دەستی پێکردووە."
رۆژی سێشەممە، 2ی ئەیلوولی 2025، رەحمان غەریب، رێکخەری سەنتەری میترۆ بۆ داکۆکی لە مافی رۆژنامەنووسان بە تۆڕی میدیایی رووداوی راگەیاند: "لە هێرشێکی چەکداریدا رۆژنامەنووس هێمن مامەند بریندارکرا و ئێستا لە ژووری نەشتەرگەرییە."
هێرشەکە نزیک کاژێر 07:20ی ئێوارە بووە. رێکخەری سەنتەری میترۆ دەڵێت: "دوو فیشەکی بەرکەوتووە؛ یەکێکیان بەر قۆڵی و ئەوی دیکە بەر کەمەری."
بە گوتەی رەحمان غەریب، رووداوەکە لە گەڕەکی شۆڕش لە سلێمانی روویداوە و گوتیشی: "نازانرێت لەلایەن کێوە کراوە، بەڵام دەبێت کێ سوودمەند بێت لە بەئامانجکردنی رۆژنامەنووسان؟"
هەر ئەمشەو دیاری محەممەد، بەڕێوەبەری سەنتەری میترۆ لە کۆنفرانسێکی رۆژنامەڤانیدا رایگەیاند: "لەلایەن چەند کەسێکی نەناسراوەوە هێرش کراوەتە سەر رۆژنامەنووس و چالاکڤان هێمن مامەند، بریندار کراوە و دواتر رەوانەی نەخۆشخانەی شار کراوە".
دیاری محەممەد گوتی: "سەرەتا تەندروستیی هێمن مامەند باش نەبوو، بەڵام ئێستا تەندروستیی باشە."
بەڕێوەبەری سەنتەری میترۆ گوتی، لەگەڵ دامودەزگا پەیوەندیدارەکانی حکومەت و ئاسایش لەسەر هێڵن و پێیان راگەیاندوون کە "لێکۆڵینەوە دەستی پێکردووە، بەڵام هێشتا کەس دەستگیرنەکراوە."
وەک دیاری محەممەد گوتی، "شوێنی رووداوەکە ژمارەیەکی زۆر کامێرای چاودێریی لێیە، دەکرێ دەزگا ئەمنییەکان سوودیان لێ ببینن. لەگەڵ نووسینگەی کاک قوباد تاڵەبانیش لەسەر هێڵین. پارێزگاری سلێمانیش بەڵێنی داوە هەموو رێکارێکی پێویست بۆ دەستگیرکردنی تۆمەتباران بگرنەبەر."
رێکخەری سەنتەری میترۆ بۆ داکۆکی لە مافی رۆژنامەنووسان دەڵێ، هێمن مامەند بە دوو گوللە بریندارکراوە. بەڕێوەبەری سەنتەرەکەش دەڵێت: "لەلایەن ئاسایشەوە لێکۆڵینەوە لە رووداوەکە دەستی پێکردووە."
رۆژی سێشەممە، 2ی ئەیلوولی 2025، رەحمان غەریب، رێکخەری سەنتەری میترۆ بۆ داکۆکی لە مافی رۆژنامەنووسان بە تۆڕی میدیایی رووداوی راگەیاند: "لە هێرشێکی چەکداریدا رۆژنامەنووس هێمن مامەند بریندارکرا و ئێستا لە ژووری نەشتەرگەرییە."
هێرشەکە نزیک کاژێر 07:20ی ئێوارە بووە. رێکخەری سەنتەری میترۆ دەڵێت: "دوو فیشەکی بەرکەوتووە؛ یەکێکیان بەر قۆڵی و ئەوی دیکە بەر کەمەری."
بە گوتەی رەحمان غەریب، رووداوەکە لە گەڕەکی شۆڕش لە سلێمانی روویداوە و گوتیشی: "نازانرێت لەلایەن کێوە کراوە، بەڵام دەبێت کێ سوودمەند بێت لە بەئامانجکردنی رۆژنامەنووسان؟"
هەر ئەمشەو دیاری محەممەد، بەڕێوەبەری سەنتەری میترۆ لە کۆنفرانسێکی رۆژنامەڤانیدا رایگەیاند: "لەلایەن چەند کەسێکی نەناسراوەوە هێرش کراوەتە سەر رۆژنامەنووس و چالاکڤان هێمن مامەند، بریندار کراوە و دواتر رەوانەی نەخۆشخانەی شار کراوە".
دیاری محەممەد گوتی: "سەرەتا تەندروستیی هێمن مامەند باش نەبوو، بەڵام ئێستا تەندروستیی باشە."
بەڕێوەبەری سەنتەری میترۆ گوتی، لەگەڵ دامودەزگا پەیوەندیدارەکانی حکومەت و ئاسایش لەسەر هێڵن و پێیان راگەیاندوون کە "لێکۆڵینەوە دەستی پێکردووە، بەڵام هێشتا کەس دەستگیرنەکراوە."
وەک دیاری محەممەد گوتی، "شوێنی رووداوەکە ژمارەیەکی زۆر کامێرای چاودێریی لێیە، دەکرێ دەزگا ئەمنییەکان سوودیان لێ ببینن. لەگەڵ نووسینگەی کاک قوباد تاڵەبانیش لەسەر هێڵین. پارێزگاری سلێمانیش بەڵێنی داوە هەموو رێکارێکی پێویست بۆ دەستگیرکردنی تۆمەتباران بگرنەبەر."