کردنەوەی یەکێک لە قوتابخانەکان
رووداو دیجیتاڵ
گوندی دارەسنجی لە ناوچەی دەشتی سیلڤانای ورمێ بە هیمەتی خێرخوازان بووە خاوەن قوتابخانەیەکی سەرەتایی پێشکەوتوو و ستاندارد. لە گوندی سوولکی ئەو ناوچەیەش، قوتابخانەیەکی هاوشێوە کرایەوە.
لە یەک ساڵی رابردوودا لە ناوچەی سیلڤانا، 25 پۆل لەلایەن خێرخوازانەوە دروست کراون و دەست بە جێبەجێکردنی 23 پۆلی دیکەش کراوە. بڕیارە لەم ساڵدا لە گوندەکانی ئەو ناوچەیە هیچ قوتابخانەیەکی کانێکسی نەمێنێت، کە سەرووی 10 قوتابیی هەبێت.
بەخشی سیلڤانا ناوچەکانی مەرگەوەڕ، دەشت و تەرگەوەڕ لەخۆدەگرێت. بە شارۆچکەی سیلڤاناشەوە کە ناوەندی بەخشەکەیە، ژمارەی دانیشتووانی بەپێی سەرژمێریی ساڵی 2016 زیاتر لە 60 هەزار کەسە.
گوندەکانی ئەو ناوچەیە بەتایبەت لەڕووی پەروەردەییەوە گەشەنەسەندوون و بەشی زۆری ئەو پڕۆژانەشی جێبەجێکراون، بە دەستی خێرخوازانی دەستڕۆیشتووی ناوچەکە کراون.
بەپێی ئاماری پەروەردەی پارێزگای ورمێ، لە زیاتر لە 5000 قوتابخانە جێگەی 670 هەزار قوتابیی پارێزگاکە نابێتەوە و پارێزگای ورمێ لانیکەم پێویستی بە دروستکردنی 5000 پۆلی نوێیە تاوەکو کێشەی کەمیی شوێن و خوێندن لە قوتابخانەی کۆن و ناستاندارد چارەسەر بێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ