| رووداو.نێت

گالەری

بە تابلۆی تایبەت بە مانگی رەمەزان هەولێر دەڕازێندرێتەوە

03-04-2023

28 Photos

بڵند تاهیر @Bilindtahir

رووداو دیجیتاڵ

لە هەولێر دووکانداران و کاسبکاران بە شێوەیەکی جیاواز پێشوازی لە مانگی رەمەزان دەکەن و گرنگییەکەی زۆر بە رووناککردنەوە و دیزاینی دووکانەکانیان دەدەن.

فورات خەلیل ئاکرەیی، زیاتر لە 17 ساڵە کاری دیزاین دەکات، بە تۆڕی میدیایی رووداوی گوت، بەشی زۆری هێما، رووناکی و دیزاینەکانی تایبەت بە مانگی رەمەزان لە هەولێر ئەو دەیکات. دەشڵێت، لە مانگی رەمەزاندا خاوەن رێستۆرانت و دووکاندارەکان زۆر گرنگی بە رووناککردنەوە و رازاندنەوەی دووکانەکانیان دەدەن.

وەک هەمیشە دانیشتووانی هەولێر بە گەرموگوڕییەوە پێشوازی لە بۆنە ئایینییەکان دەدەن، بە تایبەتیش مانگی رەمەزان و مەولوودی پێغەمبەری ئیسلام (د.خ).

بە گوتەی ئەو دووکاندارەی شاری هەولێر، لە سەرەتای مانگی رەمەزانەوە بەشێکی بەرچاو لە دووکانداران و کاسبکاران روو لە کڕینی کەرەستەکانی جوانکاریی تایبەت بەو مانگە دەکەن. دەشڵێت، ساڵ بۆ ساڵ تابلۆ و کەرەستەکانی جوانکاری گۆڕانکارییان بەسەردا دێت و ئەمساڵ شتی جیاوازتریان بۆ کڕیاران هێناوە.