بەشێك لە باڵەخانەی فامیلی مۆڵ لە سلێمانی دەڕووخێت

رووداو- سلێمانی

كەمێك پێش ئێستا بەشێك لە سەقفی نهۆمی چوارەمی باڵەخانەی فامیلی مۆڵ دوو كە دەكەوێتە شەقامی 60 مەتری باشووری  سلێمانی رووخا و چەند كرێكارێك برینداربوون.

پەیامنێری تۆڕی میدیایی رووداو لە شوێنی رووداوەكە رایگەیاند، بەهۆی رووداوەكە 4 كرێكار برینداربوون و گەیەنراونەتە نەخۆشخانەی فریاكەوتنی سلێمانی.

ئاماژەی بۆ ئەوەشكرد، تیمەكانی بەرگری شارستانی و فریاكەوتن سەرقاڵی گەڕان و پشكنین بۆ ئەوەی گەر كرێكارێكی دیكە كەوتبێتە ژێر بیناكەوە رزگاربكرێت.

ئەوەشی خستەڕوو، رووداوەكە لەكاتی تێكردنی كۆنكریتی بەشێك لەسەقفی پشتەوەی نهۆمی چوارەمی باڵەخانەكە روویداوە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger