هەڵەیەک روویدا! دووبارە هەوڵبدە
31 جۆرە خشۆک لە ئیدری باکووری کوردستان دەژین
رووداو دیجیتاڵ
ئەوەی لە سەرەتای ڤیدیۆکەدا دەیبینن، یەکێکە لەو 31 جۆر خشۆکەی لە چیای ئاگری دەژین. پسپۆڕان دەڵێن لە ئیدری باکووری کوردستان و بەتایبەتیش لە دەوروبەری چیای ئاگری، چەندین جۆر کیسەڵ و خشۆک هەن کە دەگمەنن و لە شوێنی دیکە کەمتر دەبینرێن.
باهادر ئاکمان، مامۆستای زانکۆیە و دەڵێت، "لە ئیدر پێنج جۆر وشکاوەکیمان هەن، دوو جۆر کیسەڵی دەگمەن، 10 جۆر خشۆک و 14 جۆر مار هەن. لە وڵاتەکەماندا دەگمەنترین خشۆک و وشکاوەکییەکان لە ئیدر هەن، بەڵام جۆرێک هەیە؛ بۆقی خاکییە کە لە وڵاتەکەماندا دەگمەنە و نابینرێت."
مارمێلکەیەکی ئاگامای قەوقازیی تایبەتیش دەبینن کە زۆر جار بە شێوازێکی وەستانی تایبەت دەناسرێتەوە، پسپۆڕان دەڵێن مەبەستی لەم وەستانە نیشاندانی هێز و کۆنترۆڵکردنی ناوچەکەیە.
باهادر ئاکمان دەڵێت، "کاتێک دێینە سەر باسی مارمێلکەکان؛ ئاگامای قەوقازی هەیە. ئەمە لە ناوچەکەماندا زۆرە و لە ئیدر زۆرترینە."
لە زۆربەی شارەکانی باکووری کوردستان و تورکیادا باخچەی ئاژەڵانی گەورە هەن، بەڵام لە ئیدر هەوڵ بۆ دروستکردنی شوێنێکی تایبەت بە خشۆک و وشکاوەکییەکان دەدرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ