رووداو دیجیتاڵ
وەزارەتی دارایی دەڵێت، چاوەڕێی گەیشتنی پارەن بۆ ئەوەی لە نزیکترین کاتدا دەست بە دابەشکردنی مووچە بکەن.
رۆژی سێشەممە، 10-02-2026 وەزارەتی دارایی هەرێمی کوردستان رایگەیاند، سەرجەم رێکارە ئیداری و ژمێریارییەکان لە فەرمانگەی ژمێریاری وەزارەتی دارایی حکومەتی فیدراڵ تەواو کراون و "چاوەڕێی گەیشتنی تەمویلەکەین بۆ ئەوەی لە نزیکترین کاتدا دەست بە دابەشکردنی مووچە بکەین."
وەزارەتی دارایی هەرێمی کوردستان رۆژی 05-02-2026، 120 ملیار دینار داهاتی نانەوتی مانگی یەکی بۆ بەغدا نارد.
بەگوێرەی زانیارییەکانی هەڵکەوت عەزیز، پەیامنێری رووداو لە بەغدا، چاوەڕواندەکرێت ئەمڕۆ سێشەممە بەغدا پارەکە بنێرێت و وەزارەتی دارایی لیستی مووچە بڵاوبکاتەوە.
مانگێک و 10 رۆژ بەسەر ساڵی نوێدا تێپەڕیوە و مووچەخۆرانی هەرێمی کوردستان تاوەکو ئێستا مووچەی مانگی یەکیان وەرنەگرتووە.
دوایین مووچەی فەرمانبەرانی هەرێمی کوردستان لە 29ی کانوونی یەکەمی 2025 دابەشکرا، کە مووچەی مانگی تشرینی یەکەمی 2025 بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ