رووداو دیجیتاڵ
بەهۆی بارینی بەفر و دابەزینی پلەی گەرما، ئەمڕۆ لە قوتابخانەکانی چوار پارێزگای باکووری کوردستان پشووە.
ئەمڕۆ چوارشەممە 11ی شوباتی 2026 لە قوتابخانەکانی پارێزگاکانی ئەرزەڕۆم، وان، ئاگری و مووش پشووە.
بەگوێرەی راگەیێندراوی پارێزگای ئەرزەڕۆم، سەرجەم قوتابخانەکانی ناوەند و شارۆچکەکانی ئەو پارێزگایە بەهۆی بەفربارین و دابەزینی پلەی گەرماوە ئەمڕۆ دادەخرێن.
لە پارێزگاکانی ئاگری، وان و مووشیش بەفرێکی زۆر دەبارێ و بەهۆی دابەزینی پلەی گەرما و دروستبوونی ئاستەنگی هاتووچۆ لە قوتابخانەکاندا پشووی فەرمی دەبێت.
لەو پارێزگایانەی پشووی خوێندن راگەیێندراوە، فەرمانبەرانی خاوەن پێداویستیی تایبەت و ژنانی دووگیانیش ناچنە سەر کار و ئەو رۆژەیان وەک مۆڵەتی کارگێڕی بۆ هەژمار دەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ