کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

کوردستان

ئاسایشی سلێمانی: هیچ کەسێک بەناوی مستەفا سەلیمی ناناسین

راوچی حەسەن

راوچی حەسەن

11-04-2020
گوێبگرە
0:00
0:00
قەبارەی دەق
راوچی حەسەن
راوچی حەسەن11-04-2020

بابەتی پەیوەندیدار

بەفر بەرزاییەکانی شرنەخی سپیپۆش کرد
کوردستان21-11-2026

بەفر بەرزاییەکانی شرنەخی سپیپۆش کرد

پارتی و یەکێتی؛ شکاندنی بەستەڵەکی پەیوەندییەکان و مەرجەکانیان بۆ یەکدی
کوردستان21-11-2026

پارتی و یەکێتی؛ شکاندنی بەستەڵەکی پەیوەندییەکان و مەرجەکانیان بۆ یەکدی

مەسرور بارزانی: هیچ کەسێک مافی دابەشکردنی کوردستانی نییە
کوردستان21-11-2026

مەسرور بارزانی: هیچ کەسێک مافی دابەشکردنی کوردستانی نییە


 
رووداو - هەولێر 

بەڕێوەبەرایەتیی ئاسایشی سلێمانی راگەیێندراوێک لەبارەی مستەفا سەلیمی بڵاودەکاتەوە و رایدەگەیێنێت "هیچ داتایەک بەناوی مستەفا سەلیمی لەناو تۆماری بەردەست ئاسایشی سلێمانی و نشینگە و دەروازە سنوورییەکان بەردەست نییە و ئێمە هیچ کەسێک بەو ناوە ناناسین".
 
ئاسایشی سلێمانی لە یەکێک لە خاڵەکانی راگەیێندراوەکەدا ئەمڕۆ شەممە بڵاوکراوەتەوە دەڵێت "بە بڕیاری حکومەتی هەرێمی کوردستان و بۆ رووبەڕووبوونەوەی ڤایرۆسی کۆرۆنا، لە رۆژی 14-03-2020 قەدەخەی هاتووچۆ دەستیپێکردە و تا ئێستا بەردەوامە و هێزەکانی ئاسایش بەو بڕیارە پابەندبوون، لەم ماوەیەدا لە سنووری پێنجوێن و ناوچەی گەرمک هیچ ئەرکێکیان بۆ دەستگیرکردن پێ نەسپێردراوە". 
 
ئەمە لە کاتێکدایە ئەمڕۆ حکومەتی هەرێمی کوردستان رایگەیاند کە ئاگامان لە رادەستکردنەوەی مستەفا سەلیمی بە ئێران نەبووە و بەفەرمانی سەرۆکوەزیرانی هەرێمی کوردستان لیژنەیەکی لێکۆڵینەوەی بۆ پێکدەهێندرێت. 
 
بەرەبەیانی ئەمڕۆ شەممە 11-4-2020، مستەفا سەلیمی، یەکێک لە زیندانییە هەڵاتووەکانی زیندانی سەقز، دوای دەستگیرکردنەوەی لەسێدارەدرا. 

 

مستەفا سەلیمی دوای دەستگیرکردنەوەی لەلایەن ئێرانەوە لەسێدارەدرا
 
دەقی راگەیێندراوەکە شەش خاڵییەکەی ئاسایشی سلێمانی سەبارەت بە مستەفا سەلیمی 
 
یەکەم: بە بڕیاری حکومەتی هەرێمی کوردستان و بۆ رووبەڕووبوونەوەی ڤایرۆسی کۆرۆنا، لە رۆژی 14-03-2020 قەدەخەی هاتووچۆ دەستیپێکردە و تا ئێستا بەردەوامە و هێزەکانی ئاسایش بەو بڕیارە پابەندبوون، لەم ماوەیەدا لە سنووری پێنجوێن و ناوچەی گەرمک هیچ ئەرکێکیان بۆ دەستگیرکردن پێ نەسپێردراوە. 
 
دووەم: هیچ داتایەک بەناوی مستەفا سەلیمی لەناو تۆماری بەردەست ئاسایشی سلێمانی و نشینگە و دەروازە سنوورییەکان بەردەست نییە و ئێمە هیچ کەسێک بەو ناوە ناناسین.
 
سێیەم: بەڕێز (ئیسماعیل رەحمانی) بەرپرسی پەیوەندییەکانی حیزبی دیموکراتی کوردستانی ئێران لە سلێمانی ئەمڕۆ 11-04-2020 لە لێدوانێکدا رایگەیاند، هیچ زانیارییەکمان نییە کە پێشتر مستەفا سەلیمی هاتبێتە باشووری کوردستان و هیچ بەڵگەیەک نییە لێرەوە رادەستی ئێران کرابێتەوە.
 
چوارەم: عەلی جوانمەردی کە هەواڵی مستەفا سەلیمی بە قاچاخ بۆ هەرێمی کوردستان و رادەستکردنی بە ئێران بڵاوکردووەتەوە، دەیەوێت ناوی ئاسایش بزڕێنێت. چونکە بەهۆی لادانی لە پێوەرەکانی رۆژنامەگەری و پێشێلکردنی راستگۆی و بێلایەنی لە بەشی رادیۆی دەنگی ئەمریکا دەرکرا، بەردەوام و هەمیشە هەوڵیداوە خەڵکی بەشەرەفی کوردستان بەلاڕێدا بەرێت و دەستگا فەرمییەکانی حکومەتی هەرێمیان لەبەرچاو بخات.
 
پێنجەم: لێرەوە رایدەگەیێنین کە هەواڵی (عەلی جوانمەردی) لەسەر (مستەفا سەلیمی) و ئاسایشی پێنجوێن بە تەواوی ناڕاستە و بە هەموو شێوەیەک رەتیدەکەینەوە.
 
شەشەم: لەم کاتەدا کە هێزەکانمان بەو پەڕی دڵسۆزی، دوور لە ماڵ و منداڵ و ئاسوودەیی ناو خێزانەکان لەسەر جادە و سنوورەکان سەرقاڵی جێبەجێکردنی ئەرکن و تەندروستی و سەروماڵی خەڵکی کوردستان دەپارێزن، تێوەگلانی (جوانمەردی) لە دروستکردنی هەواڵی بێ بنەما لە دژی تێکۆشەرانی ئاسایش ئیدانە دەکەین و بە مافی خۆمانی دەزانین سکاڵای یاسایی لەسەر تۆماربکەین. 
 
 
 
دەقی نووسراوەکەی ئاسایشی سلێمانی

 

دەقی نووسراوەکەی ئاسایشی سلێمانی

بابەتی پەیوەندیدار

بەفر بەرزاییەکانی شرنەخی سپیپۆش کرد
کوردستان21-11-2026

بەفر بەرزاییەکانی شرنەخی سپیپۆش کرد

پارتی و یەکێتی؛ شکاندنی بەستەڵەکی پەیوەندییەکان و مەرجەکانیان بۆ یەکدی
کوردستان21-11-2026

پارتی و یەکێتی؛ شکاندنی بەستەڵەکی پەیوەندییەکان و مەرجەکانیان بۆ یەکدی

مەسرور بارزانی: هیچ کەسێک مافی دابەشکردنی کوردستانی نییە
کوردستان21-11-2026

مەسرور بارزانی: هیچ کەسێک مافی دابەشکردنی کوردستانی نییە

پێشنیازەکان

ئەمەنەش ببینە