کوردستان
لە یەکەم رۆژی جەژنی رەمەزاندا لە پارێزگای رووهای باکووری کوردستان چوار رووداوی هاتووچۆ روویاندا
رووداو دیجیتاڵ
لە یەکەم رۆژی جەژنی رەمەزاندا لە پارێزگای رووهای باکووری کوردستان چوار رووداوی هاتووچۆ روویاندا و بەو هۆیەوە دوو کەس گیانیان لەدەستدا و 10ـی دیکەش بریندار بوون.
رۆژی چوارشەممە 10ـی نیسانی 2024 لە شارۆچكەی سوێرەگ ئۆتۆمبێلێک وەرگەڕا و شۆفێری ئۆتۆمبێلەکە گیانی لەدەستدا.
هەمان رۆژ لە شارۆچکەی ئەیوبییە، ئۆتۆمبێلێک و ماتۆڕسکیلێک پێکیاندادا و لە ئەنجامدا کەسێک گیانی لەدەستدا و یەکێكی دیکەش بریندار بوو.
جگە لەوەش دوو ئۆتۆمبێل لەسەر رێگەی نێوان وێرانشار و سوێرەگ پێکیاندادا. لە رووداوەکەدا حەوت کەس بریندار بوون و گواسترانەوە بۆ نەخۆشخانەی دەوڵەت لە سوێرەگ.
لە رووداوی چوارەمدا، کە لەسەر رێگەی نێوان رووها-سوێرەگ روویدا، سێ کەس بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ