هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری گشتیی نوێنەرایەتیی حکومەتی هەرێمی کوردستان لە بەغدا دەڵێت، کۆدی دامەزراندنی خاوەن بڕوانامە باڵاکان گەیشتە وەزارەتی خوێندنی باڵای هەرێمی کوردستان و بەمزووانە کۆدی یەکەمەکانیش دەگات.
رۆژی دووشەممە 12-06-2023، بەختیار حاجی حەمەد، بەڕێوەبەری گشتیی نوێنەرایەتیی حکومەتی هەرێمی کوردستان لە بەغدا بە تۆڕی میدیایی رووداوی راگەیاند، کۆدی دامەزراندنی خاوەن بڕوانامە باڵاکان، ئەوانەی دەرچووی زانکۆکاکانی هەرێمی کوردستانن و دانیشتووی ناوچە کوردستانییەکانی دەرەوەی ئیدارەی هەرێمی کوردستانن نێردراوەتەوە بۆ وەزارەتی خوێندنی باڵای هەرێمی کوردستان.
کۆدی دامەزراندنی یەکەمەکانیش، بەگوتەی بەختیار حاجی حەمەد، هیچ کێشەیەکی نییە و بەمزووانە لە بەغداوە تەواو دەکرێت و دەنێردرێت.
ئەو بەرپرسەی نوێنەرایەتیی حکومەتی هەرێمی کوردستان لە بەغدا داوا دەکات کەس بۆ ئەو بابەتە سەردانی بەغدا نەکات و ئەوان سەرجەم رێکارەکان تەواو دەکەن و کۆدی دامەزراندنی یەکەمەکانیش بۆ وەزارەتی خوێندنی باڵای هەرێمی کوردستنا دەنێرن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ