رووداو دیجیتاڵ
لە رووداوێکی هاتووچۆدا لە سنووری ئیدارەی سەربەخۆی زاخۆ هاووڵاتییەک گیانی لەدەستدا.
رووداوەکە ئەمڕۆ چوارشەممە لەسەر رێگەی سەرەکی سحێلا و نزیک گوندی شلێ لەنێوان تانکەرێک و ئۆتۆمبێلێکی هۆندای سەنتافی روویداوە.
بەشیر یوسف لە راگەیاندنی هاتووچۆی زاخۆ بە تۆڕی میدیایی رووداوی گوت، "ئەوەی گیانی لەدەستداوە شۆفێری هۆنداکەیە و شۆفێری بارهەڵگرەکەش بە سووکی بریندارە".
تاوەکو ئەمڕۆ ئاماری رووداوەکانی هاتووچۆی ساڵی رابردوو بڵاو نەکراوەتەوە.
ساڵی 2022 لە هەرێمی کوردستان 3 هەزار و 706 رووداوی هاتووچۆ روویانداوە و لە ئەنجامیاندا 445 کەس گیانیان لەدەستداوە و 7 هەزار و 250 کەسیش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ