رووداو دیجیتاڵ
هاونیشتمانییەک لە قەزای حاجیاوای سنووری ئیدارەی راپەڕین گیانی لەدەستدا.
ئەحمەد حەمەدی تەمەن 54 ساڵ، باوکی 4 منداڵ بوو و بە پلەی عەمید لە ریزەکانی پاسەوانی سنوور کاری دەکرد.
قادر حەمەد، برای ئەحمەد حەمەد ئەمڕۆ دووشەممە 15-4-2024 بە تۆڕی میدیایی رووداوی راگەیاند، براکەی خۆی کوشتووە؛ گوتی، هۆکاری خۆکوشتنەکە بۆ ئەوانیش روون نییە و گومانیشیان لە کەس نییە، هەربۆیە سکاڵایان لەسەر کەس تۆمارنەکردووە.
قادر حەمەد گوتی، ئەحمەدی برای نزیکەی مانگێک بوو گرفتی تەندروستی هەبوو، بەڵام رۆژێک پێش رووداوەکە دۆخی تەندروستی و دەروونی ئاسایی بوو.
