بنکەیەکی دەنگدان لە لوبنان. وێنە: AFP
رووداو دیجیتاڵ
ئەمڕۆ لە لوبنان هەڵبژاردنی پەرلەمانی بەڕێوەدەچێت، تێیدا 718 بەربژێر کێبڕکێ لەسەر 128 کورسیی پەرلەمان دەکەن، پێشبینی دەکرێت نزیکەی چوار ملیۆن لوبنانی بەشداری لە هەڵبژاردنی پەرلەمانی وڵاتەکەیاندا بکەن.
هەڵبژاردنی ساڵی 2022 دوای چەند رووداوێکی مێژوویی دێت کە لەو ڵاتە روویاندا، لەوانەش خۆپێشاندانەکانی ئۆکتۆبەری ساڵی 2018، داڕمانی لیرەی لوبنانی لە ساڵی 2019 بۆ نزمترین ئاست لە 22 ساڵی رابردوودا و تەقینەوەکەی بەندەری بەیرووت لە ساڵی 2020 کە زیاتر لە 215 کەس کوژران.
حوسەین بایدۆن دەڵێت، "دەبێت خەڵک را دەربڕێت. دەبێت خەڵک دەنگ بدات و بۆچوونی خۆی دەربڕێت. ئەمە تاقیکردنەوەیەکە بۆ خەڵک لە داهاتوو بۆئەوەی بەهێزییان لە گوتنی نەخێر لە سندووقەکانی دەنگدانەوە پیشانبدرێت."
پێشبینی دەکرێت رووداوەکانی ساڵانی رابردوو گۆڕانکاری لە پەرلەمانی لوبناندا دروستبکەن و دەنگی حیزبەکانی سەر بە حیزبوڵڵا کە خاوەن 71 کورسی بوون لە هەڵبژاردنی ساڵی 2018 کەم ببێتەوە.
مەها یەحیا، بەڕێوەبەری سەنتەری مالکۆم لە رۆژهەڵاتی نێوەڕاست دەڵێت، "ئەم گۆڕانکارییە لەناکاوانە دۆخێکی دروستکرد لە وڵاتەکە کە خەڵک پێویستی بە هاوکاری بێت بۆ ژیان. لەگەڵ داڕمانی ئابووری و ژیان، هیچ ئۆپۆزیسیۆنی راستەقینە دەرنەکەوت بۆ رووبەڕووبوونەوەی ئەم سیستمە سیاسییە و دۆزینەوەی رێگەچارەیەک بۆ دۆخەکە."
هەلومەرجەکانی هەڵبژاردنی ساڵی 2022 لوبنان، رەنگە گۆڕانکارییەک بێنێتە ئاراوە. بەشێوەیەک، کورسیی حیزبە پاڵپشت لێکراوەکانی وڵاتە رۆژهەڵاتییەکان زیادبکەن و کورسییەکانی حیزبوڵڵاش کەم ببنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ