وێنە؛ بەهۆی کەمبوونەوەی ئاستی ئاوی دووکان،...

گالەری

وێنە؛ بەهۆی کەمبوونەوەی ئاستی ئاوی دووکان، گۆڕستانێک دەردەکەوێت

16-09-2025

14 Photos

حەیدەر عومەر

رووداو دیجیتاڵ

بەهۆی وشکەساڵی و گۆڕانی کەشوهەوا، ئاستی ئاوی دەریاچەی دووکان دابەزیوە و لە دەشتی بتوێن گۆڕستانی گوندێک دەرکەوتووە کە دەیان ساڵە لەژێر ئاوی دەریاچەکەدا بووە.

بەنداوی دووکان ساڵی 1956 کارەکانی تەواو بووە و دەستکراوە بەگلدانەوەی ئاو. لەو کاتەدا چەندین گوند چۆڵکراون و کەوتوونەتە ژێر دەریاچەکە.

ئێستا بەهۆی گۆڕانکاریی کەشوهەوا و وشکە ساڵییەوە ئاستی ئاوی دەریاچەکە بە شێوەیەکی بەرچاو دابەزیوە، لە دەشتی بتوێن و بەدیاری کراوی نزیک گوندی مەمەندئاوا گۆڕستانی یەکێک لەو گوندانە دەرکەوتووە کە ساڵانێکی زۆرە لە ژێر دەریاچەکەدا بوو.

وەکو لە دیمەنەکاندا دەردەکەوێت، ئێسک و پروسکی مرۆڤەکان دەرکەوتوون و ئاستی ئاوەکە بەشێوەیەکی مەترسیدار کەمبووەتەوە.