بەڕێوەبەری ناحیەی بەمۆ سکاڵای یاسایی لەسەر کۆمپانیایەکی تورکی تۆماردەکات

رووداو - هەولێر
 
بەڕێوەبەری ناحیەی بەمۆی سەر بە پارێزگای هەڵەبجە، بە تۆمەتی ناوزڕاندن سکاڵای یاسایی لەسەر کۆمپانیایەکی تورکی تۆماردەکات.

عادل مەلا ساڵح، بەڕێوەبەری ناحیەی بەمۆ بە تۆڕی میدیایی رووداوی راگەیاند: "بە تۆمەتی ناوزڕاندن سکاڵای یاسایی لەسەر کۆمپانیای ماکسۆمەر-ی تورکی کە کاری رێگەوبان دەکات تۆمارکردووە و دادوەر بانگهێشتیکردوون بۆ ئامادەبوون لە دادگا".

هەفتەی رابردوو لەسەر سکاڵای ئەو کۆمپانیایە و بەهۆی دۆسیەیەک کە حەوت ساڵ بەر لە ئێستا بووە، دادگای کفری بانگهێشتی عادل مەلا ساڵح، بەڕێوەبەری ناحیەی بەمۆ و ئەندامی سەرکردایەتی حیزبی سۆسیالیست دیموکراتی کوردستانی کرد. بەڵام ناوبراو دوای سەلماندنی ئەستۆپاکی، بە تۆمەتی ناوزڕاندن سکاڵای یاسایی لەسەر هەمان کۆمپانیا تۆمارکرد.



پێداچوونەوە؛ راوچی حەسەن 

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger