وێنە؛ گژوگیای خۆڕسک لە هەولێر زیادیان کردووە و...

گالەری

وێنە؛ گژوگیای خۆڕسک لە هەولێر زیادیان کردووە و بووەتە مەترسی

كاژێرێك له‌مه‌وپێش

35 Photos

بڵند تاهیر @Bilindtahir

رووداو دیجیتاڵ

گژوگیای خۆڕسک کە بەهاران پارچەیەک سەوزایی دەبەخشنە هەولێر، بەڵام ئەم ساڵ بەراورد بە ساڵانی دیکە زیاتر بوون. لە هەندێ شوێن نزیکەی 3 مەتر بەرزبوونەتەوە.

دیمەنی جوان دەبەخشن تاوەکو ئەو کاتەی وەرزی گەرما نەهاتووە، بەڵام لەگەڵ بەهێزبوونی تیشکی خۆر و هاتنی هاوین، ئیدی دەبنە مەترسی و رەنگە ئاگر بگرن.

بڵند تاهیر، فۆتۆجۆرناڵیستی رووداو بەدواداچوونی کردووە و بە هاوێنەی کامێراکەی ئەو دیمەنانەی تۆمار کردووە، ئێستا بەشێکیان وشکبوون و پشکۆیەکی بچووک یان شەپۆلێکی گەرمای بەسە بۆ ئەوەی ئاگر بگرێت.

بەگوێرەی وێنەکانی بڵند تاهیر، بەشێکی قوتابخانەکان و وێستگەکانی سووتەمەنی چواردەوریان بە پووش و پەڵاش گیراوە، لێرە مەترسییەکە گەورەترە بەراورد بە شوێنەکانی دیکە.

بڵند تاهیر وێنەکانی پێشانی ژمارەیەک ژینگەپارێز داوە و پێیان گوتووە کە "ئەگەر هاونیشتمانییان، یاخود لایەنی پەیوەندیدار ئەو گژوگیا خۆڕسکانە چارەسەر ناکەن و لە ئاوەدانی دووری نەخەنەوە، رەنگە کارەسات دروست بکەن."

ئەو ژینگەپارێزانە داوایان کردووە، هاونیشتمانییان بەپێی توانایان ئەو گژوگیایانە بدوورن و خۆیان بەدوور بگرن لە سووتاندنی بە مەبەستی لەنێوبردن.