دیمەنی سووتانی یەکێک لە ئۆتۆمبێلەکان
رووداو دیجیتاڵ
لە سەرەتای ئەم ڤیدیۆیەدا ساتی رووداوێکی سەختی هاتووچۆ لەسەر رێگەی کەلار-کفری دەبینن کە تێیدا باوک و کوڕێک گیانیان لەدەستدا.
رووداوەکە لەنێوان دوو ئۆتۆمبێل لە جۆرەکانی هیۆندای سۆناتا و مارسیدس روویدا. باوک و کوڕەکە لەنێو ئۆتۆمبێلەکەی جۆری مارسیدس بوون و گیانیان لەدەستدا.
رێبین حەسەن، شاهێدحاڵی رووداوەکەیە و دەڵێت، ماڵیان نزیکە لە شوێنی رووداوەکەیە، باوکەکەیان بە مردوویی لەنێو ئۆتۆمبێلێک دەرهێنا، بەڵام کوڕەکەی لەنێو ئاگرەکەدا مابوو و دەیگوت "اللە اکبر"، دوای ئەوە گیانی لەدەستدا.
جاسم عەلی، شاهێدحاڵێکی دیکەی رووداوەکەیە و باسی لەوە کرد، تاوەکو ئاگرکوژێنەوە هات، گەنجێک یەکێکیانی لەنێو ئۆتۆمبێل دەرهێنابوو، بەڵام کوڕەکە لەنێو ئۆئۆمبێل مایەوە و گیانی لەدەستدا.
بەکر ئەحمەد، ئاسایش بوو و، تەمەنی 59 ساڵ بوو. محەممەدی کوڕی 20 ساڵ و خوێندکار بوو.
سەیوان غەریب، ئامۆزای بەکر بە رووداوی گوت، "هەردووکیان دەڕۆیشتن بۆ کەلار، لە گەڕانەوەدا لە گوندی وەلیهەیەر لەسەر تاسەکە وەستابوون، ئۆتۆمبێلێک هات و لێیدا، ئۆتۆمبێلی ئامۆزاکەم ئاگری گرت و هەردووکیان گیانیان لەدەستدا".
شۆفێری ئۆتۆمبێلی جۆری سۆناتا عەرەبە و بریندارە, لە نەخۆشخانە چارەسەری بۆ دەکرێت، پۆلیسی هاتووچۆی گەرمیان لێکۆڵینەوەی لەسەر رووداوەکە دەستپێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ