رووداو دیجیتاڵ
سەرۆکی سووریا پەیوەندییەکی تەلەفۆنی لەگەڵ سەرۆک مەسعود بارزانی ئەنجامدا و جەخت دەکاتەوە کە تەواوی مافە نەتەوەیی و سیاسییەکانی گەلی کورد لە سووریا پارێزراو دەبن.
رۆژی سێشەممە، 20ـی کانوونی دووەمی 2026، سەرۆکایەتیی کۆماری عەرەبیی سووریا بڵاویکردەوە، ئەحمەد شەرع، سەرۆککۆماری سووریا پەیوەندییەکی تەلەفۆنی لەگەڵ سەرۆک مەسعود بارزانی ئەنجامداوە.
بە گوێرەی راگەیێندراوەکە، لە پەیوەندییەکەدا تاوتوێی دوایین پێشهاتەکانی دۆخی ناوچەکە و رێگەکانی بەهێزکردنی سەقامگیری و ئاسایش کراوە.
لە راگەیێندراوەکە سەرۆکایەتیی سووریادا هاتووە: "سەرۆک ئەحمەد شەرع جەختی کردووەتەوە لەوەی کە تەواوی مافەکانی کورد پارێزراون، بە مافە نەتەوەیی، سیاسی و مەدەنییەکانیشەوە."
سەرۆکایەتیی سووریا دەڵێ، سەرۆک بارزانی پشتیوانیی خۆی بۆ ئەو رێککەوتنە دەربڕی کە بەم دواییە لەنێوان حکومەتی سووریا و هێزەکانی سووریای دیموکرات (هەسەدە) کراوە.
لە راگەیێندراوەکەدا ئاماژە بەوە کراوە، هەردوولا رێککەوتن لەسەر بەردەوامیی هاوئاهەنگی و راوێژی هاوبەش بۆ مسۆگەرکردنی ئاشتی و ئاسایش لە ناوچەکە و چارەسەرکردنی ناکۆکییەکان بەو شێوەیەی کە لە بەرژەوەندیی هەمووان بێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ