وێنە؛ کەرنەڤاڵ و ئاگری نەورۆز لە ئاکرێ

گالەری

وێنە؛ کەرنەڤاڵ و ئاگری نەورۆز لە ئاکرێ

20-03-2024

34 Photos

رووداو دیجیتاڵ @Rudawkurdish

رووداو دیجیتاڵ

لە کەشوهەوایەکی باراناویدا بە ئامادەبوونی سەرۆکی حکومەتی هەرێمی کوردستان و نوێنەر و کۆنسووڵی 40 وڵات و ژمارەیەک بەرپرسی حکومی و حیزبی هەروەها بە بەشداری 75 هەزار گەشتیار کەرنەڤاڵی نەورۆزی ئەم ساڵ لە ئاکرێ سازکرا.

سەرپەرشتیاری کەرنەڤاڵەکە پێش دەستپێکردن و لەبارەی ئامادەکارییەکان و چالاکییەکانەوە گوتی، 350 مەشخەڵیان ئامادەیە و ئەو گەنجانەی مەشخەڵەکان هەڵدەگرن، هاونیشتمانیی هەر چوار پارچەی کوردستانن.

لە کەرنەڤاڵەکەدا مەسرور بارزانی، سەرۆکوەزیرانی هەرێمی کوردستان ئامادەبوو، گوتارێکی پێشکێشکرد و رایگەیاند، "لە هیچ شوێنێکی دنیادا، ئەم رێوڕەسمە هاوشێوەی ئاکرێ پیرۆز نەکراوە، بۆیە ئێمە ئەمڕۆ هاتینە ئێرە تاوەکو لە ساڵانی داهاتوو، ئاکرێ ببێتە ناوەندی پیرۆزکردنی نەورۆز لە ئاستی هەرێمی کوردستان و جیهاندا."

لە کاتی بەڕێوەچوونی کەرنەڤاڵەکەدا لەو قەزایە بارانی بەلێزمە دەستیپێکرد، بەڵام چالاکیی کەرناڤاڵەکەی پەکنەخست و ئاگری مەشخەڵەکان چیای کەلا ئاکرێی رووناک کردەوە.

لەگەڵ ئەو تیمانەی لە چالاکییەکەدا بەشداربوون، ژمارەیەک هاونیشتمانیی بە هەڵکردنی ئاڵای کوردستان و پۆشینی جلوبەرگی کوردییەوە چوونە لووتکەی چیاکە.

وێنە - عەلی غازی