رووداو دیجیتاڵ
سەرمایەدار و کەسایەتیی دیاری هەرێمی کوردستان، حاجی محەممەد بامۆکی کۆچی دوایی کرد.
ئاری عەبدولـلەتیف بامۆکی، هەواڵی کۆچی دوایی حاجی محەممەد بامۆکی بۆ رووداو پشتڕاستکردەوە و گوتی: "کاژێر 9:00ی ئەمشەو پێنجشەممە، 21-03-2024، لە نەخۆشخانەیەکی سلێمانی کۆچی دوایی کردووە."
حاجی محەممەد بامۆکی، کەسایەتی و سەرمایەدارێکی ناسراوی پارێزگای هەڵەبجەیە و بە کارە خێرخوازییەکانی زیاتر ناسراوە. نزیکەی دوو ساڵە بەدەست نەخۆشییەوە دەناڵێنێت.
پرسەی حاجی محەممەد سبەی هەینی لە مزگەوتی ئەحمەدی حاجی عەلی دەبێت لە سلێمانی.
حاجی محەممەد باوکی ئیسماعیل، ئاسۆ و فریادە، کە ئەوانیش کاری بازرگانی دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ