کوردستان
قوباد تاڵەبانی، جێگری سەرۆکوەزیرانی هەرێمی کوردستان و عەلی عوسمان و کەمال موسلیم، وەزیری بازرگانی و پیشەسازی
رووداو دیجیتاڵ
حکومەتی هەرێمی کوردستان بریکاری وەزیری پیشەسازی و بازرگانیی دیاریکرد.
لە رێوڕەسمێکدا بە ئامادەبوونی قوباد تاڵەبانی، جێگری سەرۆکی حکومەتی هەرێمی کوردستان، عەلی عوسمان بە بریکاری وەزیری پیشەسازی و بازرگانی دیاریکرا.
جێگری سەرۆکی حکومەتی هەرێمی کوردستان ئاماژەی بەوە داوە، بۆ فرەجۆركردنی سەرچاوەكانی داهاتی گشتی و رەخساندنی ھەلی كاری زیاتر بۆ هاوڵاتیان جەختیان لە گرنگیی پەرەپێدانی پیشەسازی و فراوانکردنی ئاسۆکانی بازرگانی کردووەتەوە.
عەلی عوسمان عەلی 10ی کانوونی دوەمی 1979 لە شاری ھەڵەبجە لەدایکبووە، دەرچووی کۆلێژی یاسای زانکۆی سلێمانییە. لە 25ی ئابی 2016 تاوەکو 24ی ئابی 2018 پارێزگاری ھەڵەبجە بووە.
عەلی عوسمان خاوەنی بیرۆکەی دامەزراندنی ژووری بازرگانی و پیشەسازیی هەڵەبجە و ناوچەی ئازادی بازرگانیی نێوان هەڵەبجە و کۆماری ئیسلامیی ئێران بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ