یەکێک لە کچەکانی ئێستا لەلایەتی و ئەوەی دیکەشیان بەمزووانە دەگاتە لای
رووداو - هەولێر
لە هەولێر باوکێک پاش 30 ساڵ بە منداڵێکی شاد دەبێتەوە و دەڵێت، هەرچی لە دەستم بێت بۆ قەرەبووی دابڕان لە کچەکانم دەیکەم.
خۆشترین ساتی ژیانی ئەو پیاوە بەتەمەنە ئەم ساتەیە کە بۆ یەکەمجار بەدووکچکەی شادبووەتەوە، ئەو 30 ساڵە نەیبینیوون و لێیان دابڕاوە. یەکێک لە کچەکانی ئێستا لە لایەتی و ئەوەی دیکەشیان بەمزووانە دەگاتە لای.
مستەفا، خەڵکی رانیەیە و لەساڵی 1973 لە حاجی ئۆمەران چێشت لێنەری مەلا مستەفای بارزانی بووە، لەگەڵ نسکۆی شۆڕشی ئەیلوول ئاوارەی ئێران بووە.
لەوێ هاوسەرگیری لەگەڵ کچێکی ئێرانیدا کردووە و دوای ئەوەی دوو منداڵیان دەبێت لێکجیادەبنەوە، مستەفاش دەگڕێتەوە باشووری کوردستان، ئیدی لەو کاتەوە نەتوانیویەتی کچەکانی ببینێتەوە و نە پەیوەندیان پێوە بکات.
تاکە یادگارییەکی مستەفا کە لای کچەکانی مابێتەوە وێنەیەکی خۆی بووە، لەماوەی 30 ساڵدا چەندین هەوڵی گەڕانی باوک و کچەکانی بۆ یەکدی بێ سوود بووە.
سەعیدە، مانگێک لە هەولێر بەدوای باوکیدا گەڕاوە، بەڵام نەیتوانیوە بیدۆزێتەوە، چونکە باوکی لەبەر هۆکاری سیاسیی لە ئێران ناوێکی دیکە و لە عێراقیش ناوێکی دیکەی هەبووە.
سووتانی پێیەکانی سەعیدە لە هەولێر و گەڕانەوەی بۆ لای هاوڕێیەکی لە شارۆچەکەی قەڵادزێ و بیبنی هاوڕێیەکی باوکی بەڕێکەوت هۆکاری دۆزینەوەی باوکی بووە.
داڕشتنەوە: راوچی حەسەن
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ