هەڵەیەک روویدا! دووبارە هەوڵبدە
رووداو دیجیتاڵ
لە قوتابخانەیەکی کچان لە شاری مەلەکشای پارێزگای ئیلام لە رۆژهەڵاتی کوردستان، چەند قوتابییەک مادەی ژەهراوییان کردووتەوە ناو چای مامۆستاکان و ژەهراوییان کردوون.
رۆژی سێشەممە، 22ی نیسانی 2025، میدیایی فەرمیی ئێران بڵاوی کردەوە، رۆژی دووشەممە لە قوتابخانەی "سدیقەی تاهرە" سێ قوتابیی کچ مادەیەکی ژەهراوی نەناسراویان کردووەتەوە ناو چای مامۆستاکان و بەوهۆیەوە سێ مامۆستا و کارمەندێکی قوتابخانەکە ژەهراوی بوون.
بەپێی میدیای ئێران، لە ئەنجامی ئەو رووداوە دۆخی یەکێک لە مامۆستاکان تێکچووە و لە نەخۆشخانە خەوێنراوە و سێ کەسەکەی دیکەش چارەسەری سەرەتاییان بۆ کراوە و رەوانەی ماڵەوە کراونەتەوە.
بەشی پەیوەندییەکانی فەرمانگەی پەروەردەی شاری مەلەکشا رایگەیاندووە،" ئەو قوتابییانە بۆ گاڵتە مامۆستاکانیان ژەهراویی کردووە".
بەپێی راپۆرتی پەروەردەی شارەکە، لێکۆڵێنەوە لە روداوەکە بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ