رووداو دیجیتاڵ
فەتانە محەممەد شەریف وەلیدی ناسراو بە فەتانە وەلیدی، خانمە هونەرمەندی کوردی خەڵکی رۆژهەڵاتی کوردستان لە تەمەنی 71 ساڵیدا لە شاری سنەی رۆژهەڵاتی کوردستان کۆچی دواییکرد.
بەگوێرەی زانیارییەکانی رووداو، فەتانە وەلیدی ئێوارەی ئەمڕۆ سێشەممە لە نەخۆشخانەیەکی شاری سنە کۆچی دواییکردووە.
فەتانە وەلیدی لەدایکبووی 1953ی شاری سنەی رۆژهەڵاتی کوردستان بوو، بڕوانامەی میوزیکی لە زانکۆی تاران بەدەستهێنا و لە ساڵانی حەفتاکانی سەدەی رابردوودا لە رێگەی حەسەن کامکار و محەممەد شەریف وەلیدی باوکیەوە ئاشنای جیھانی میوزیک و هونەری گۆرانی بووە.
فەتانە دەنگێکی دیاری هونەری کوردییە و خاوەن 56 گۆرانییە، کە لە رادیۆکانی سنە و کرماشان تۆمار کراون.
بڕیارە تەرمی فەتانە وەلیدی رۆژی پێنجشەممە لە شاری سنە بە خاک بسپێردرێت.
.png&w=3840&q=75)
