رووداو دیجیتاڵ
ئەمڕۆ بە دوو درۆن هێرش کرایە سەر هەردوو شاری هەولێر و دهۆک. بەگوێرەی زانیارییە سەرەتاییەکان، هێرشەکان زیانی گیانییان نەبووە.
یەکەم هێرش ئەمڕۆ شەممە نزیک کاژێر 10:30 بە درۆن بۆسەر شاری هەولێر کرا. بەگوێرەی زانیارییەکانی رووداو، هێرشەکە لە نزیک فڕۆکەخانەی نێودەوڵەتی هەولێر لە رێگەی سیستمی بەرگرییەوە لە ئاسمان تێکشکێندراوە.
هێرشی دووەم کاژێر 11:00ـی ئەمڕۆ بۆسەر شاری دهۆک کرا. بەگوێرەی ئەو ڤیدیۆیەی بۆ رووداو نێردراوە، هێرشەکە کراوەتە سەر ناوچەیەکی قەرەباڵخی شارەکە.
سەرچاوەیەک بە رووداوی گوت، هێرشەکە پێش ئەوەی بگاتە ئامانجەکەی تەقەی لێکراوە و بێکاریگەر کراوە.
بەگوێرەی بەدواداچوونی تۆڕی میدیایی رووداو، لە دەستپێکی جەنگی ئەمریکا و ئیسرائیلەوە لەگەڵ ئێران لە 28ـی شوباتەوە بۆ ئەمڕۆ 28ـی ئادار، هەرێمی کوردستان بە 461 درۆن و مووشەک هێرشی کراوەتە سەر و لە ئەنجامدا 14 کەس گیانیان لەدەستداوە و 85 کەسیش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ