رووداو - گەرمیان
پەیامنێری رووداو لە سنووری ئیدارەی گەرمیان رایگەیاند، ئێوارەی ئەمڕۆ هەینی داعش سێ گوللە هاوەنی ئاراستەی شارۆچکەی کوڵەجۆی سەر بە قەزای کفری کرد و دوای رووبەڕووبوونەوەش لەگەڵ ئاسایشی شارەکە، بەڕێوەبەری ئاسایشی کوڵەجۆ و چوار کارمەندی دیکەش برینداربوون.
هەڵۆ محەممەد، پەیامنێری رووداو لە سنووری ئیدارەی گەرمیان رایگەیاند، داعش سێ گوللە هاوەنی ئاراستەی کوڵەجۆ کردووە، بەهۆیەوە ژنێک و دوو منداڵ برینداربوون.
بەگوتەی پەیامنێری رووداو، دوای ئەوەی داعش گوللە هاوەنەکانی ئاراستەی کوڵەجۆ کردون، ئاسایشی شارەکە رووبەڕووی چەکدارانی داعش بوونەتەوە و بە گوللەی قەناس رائید سمکۆ عەلی، بەڕێوەبەری ئاسایشی کوڵەجۆ و چوار کارمەندی دیکە بریندارکراون.
هەڵۆ محەممەد دەڵێت "برینی بەڕێوەبەری ئاسایشی کوڵەجۆ سەختە و بۆ چارەسەری پزیشکی رەوانەی نەخۆشخانەی فریاکەوتنی سلێمانی کراوە".
سەلاحەدین محەممەد، سەرپەرشتیاری ئیدارەی گەرمیان بە رووداوی راگەیاند "دوو کارمەندی ئاسایش بەناوی (جومعە عەبد و محموود جومعە) شەهید بوون، ئێستا هێزەکانی ئاسایشی گەرمیان و پێشمەرگە لە ناوچەکەدا بڵاوەیان پێکراوە".
پەیامنێری رووداو لە سنووری ئیدارەی گەرمیان رایگەیاند، ئێوارەی ئەمڕۆ هەینی داعش سێ گوللە هاوەنی ئاراستەی شارۆچکەی کوڵەجۆی سەر بە قەزای کفری کرد و دوای رووبەڕووبوونەوەش لەگەڵ ئاسایشی شارەکە، بەڕێوەبەری ئاسایشی کوڵەجۆ و چوار کارمەندی دیکەش برینداربوون.
هەڵۆ محەممەد، پەیامنێری رووداو لە سنووری ئیدارەی گەرمیان رایگەیاند، داعش سێ گوللە هاوەنی ئاراستەی کوڵەجۆ کردووە، بەهۆیەوە ژنێک و دوو منداڵ برینداربوون.
بەگوتەی پەیامنێری رووداو، دوای ئەوەی داعش گوللە هاوەنەکانی ئاراستەی کوڵەجۆ کردون، ئاسایشی شارەکە رووبەڕووی چەکدارانی داعش بوونەتەوە و بە گوللەی قەناس رائید سمکۆ عەلی، بەڕێوەبەری ئاسایشی کوڵەجۆ و چوار کارمەندی دیکە بریندارکراون.
هەڵۆ محەممەد دەڵێت "برینی بەڕێوەبەری ئاسایشی کوڵەجۆ سەختە و بۆ چارەسەری پزیشکی رەوانەی نەخۆشخانەی فریاکەوتنی سلێمانی کراوە".
سەلاحەدین محەممەد، سەرپەرشتیاری ئیدارەی گەرمیان بە رووداوی راگەیاند "دوو کارمەندی ئاسایش بەناوی (جومعە عەبد و محموود جومعە) شەهید بوون، ئێستا هێزەکانی ئاسایشی گەرمیان و پێشمەرگە لە ناوچەکەدا بڵاوەیان پێکراوە".
کوڵەجۆ شارۆچکەیەکە سەر بە قەزای کفرییە، لە باکوور ھاوسنوورە لەگەڵ گوندی ئاوبارە، لە باشوور لەگەڵ گوندی کەنەسۆر، لە رۆژھەڵات لەگەڵ گوندی دەکەی عەبدولقادر و لە رۆژئاواش لەگەڵ گوندی سیتەپان.
