ئەو ڤیدیۆیەی دژەتیرۆر بڵاویکردووەتەوە
رووداو دیجیتاڵ
بەڕێوەبەرایەتی گشتی دژەتیرۆر دەستگیرکردنی "تیرۆریستێک"ـی بە هاوکاریی هێزی هاوپەیمانان راگەیاند و دەڵێت؛ "خەڵکی پارێزگای دیالەیە و ئەندام بووە لە هەردوو گرووپی قاعیدە و داعش."
رۆژی شەممە (30ـی ئاداری 2024) بەڕێوەبەرایەتی گشتیی دژەتیرۆر لە راگەیێندراوێکدا ئاماژەی دا؛ "لە ئۆپەراسیۆنێکی هاوبەشی هێزەکانی بەڕێوبەرایەتیی گشتیی دژەتیرۆر و هێزەکانی هاوپەیمانیی نێودەوڵەتی دژی داعش لە سنووری چەمچەماڵ، توانرا تیرۆرستێک دەستگیر بکرێت."
بەڕێوەبەرایەتیی گشتیی دژەتیرۆر لەبارەی ناسنامەی دەستگیرکراوەکە دەڵێت "تیرۆرستی دەستگیرکراو بەناوی (ئـ. ی. م. ن.) لەدایکبووی ساڵی 1972ـی پارێزگای دیالەیە."
زیاتر روونکراوەتەوە؛ "دەستگیرکراوەکە پێشینەی کاری تیرۆرستیی لەنێو هەردوو رێکخراوی تیرۆرستیی ئەلقاعیدە و دەوڵەتی ئیسلامیی (داعش) هەبووە و، لەلایەن دادگاکانی عێراقەوە داواکراوبوو بە ماددەی 4ـی تیرۆر."
بەگوتەی بەڕێوەبەرایەتی گتشتی دژەتیرۆر ئەو کەسە "دوای دەستگیرکردنی، دەستبەجێ رادەستی یاسا کرا بە مەبەستی سزادانی."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ