رووداو دیجیتاڵ
وەرزی رنینی ترێی پەیامبەر لە سەمسووری باکووری کوردستان دەستیپێکرد.
ئەم جۆرە ترێیە تەنیا لە هەردوو شارۆچکەی بەسنێ و گۆلباشی لە سەمسووری باکووری کوردستان هەیە و لەلایەن دامەزراوەی براندەکانی تورکیا تۆمارکراوە و تایبەتە بەم پارێزگایەی باکووری کوردستان و بە ترێی پەیامبەر ناسراوە.
ئێستا وەرزی رنینەوە بۆ ئەم جۆرە ترێیە تایبەتەیە. جووتیارانی سەمسوور، دوای رنینی ترێی پەیامبەر، پۆتاسیۆمی بەسەردا دەکەن و بە زەیتی زەیتوون چەوری دەکەن و بۆ ماوەی چەند رۆژێک لە گۆڕەپانێکدا دەیهێڵنەوە بۆ ئەوەی تیشکی خۆری بەربکەوێت و وشک ببێتەوە و ببێتە مێوژ.
لە وەرزی زستاندا ئەم مێوژە وشککراوەیە لەنێو چەرەزاتی زستانە لە سەرتاسەری تورکیا و باکووری کوردستاندا خواستێکی زۆری دەبێت و زۆرترین فرۆشی دەبێت.
جومالی ئاراس، سەرۆکی ژووری کشتوکاڵی شارۆچکەی گۆلباشی رایگەیاند، لە سەرەتای وەرزی پاییزدا، مێوژی پەیامبەر بە وشککراوی ئامادە دەبێت و بازرگانەکان بە کۆ بەرهەمەکانمان دەکڕن و لە کارگەکاندا لەناو کیسی تایبەتدا دەیپۆشن و دەیخەنە بازاڕەکانەوە.
جومالی ئاراس راشیگەیاند، هەرچەند بەرهەممان هەبێت، بازرگانەکان بەبێ دوو دڵی دەیکڕن، بەهۆی ئەوەی خواستێکی زۆری لەسەرە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ