وەزیری بەرگریی توركیا: كارمەندانی كونسوڵخانەی توركیا لە موسڵ ئازاد دەكرێن

رووداو- ئاژانسی دۆغان

تاقمە دیبلۆماسییەكەی كونسوڵخانەی توركیا، كە لە لایەن چەكدارانی دەوڵەتی ئیسلامی ناسراو بە (داعش) لە موسڵ رفێندرابوون، پێدەچێت سبەی یان دووسبەی ئازاد بكرێن.

عیسمەت یڵماز وەزیری بەرگریی توركیا رایگەیاند: " لە ئایندەیەكی نزیكدا تاقمە دیبلۆماسییەكەی كونسوڵخانەی توركیا لە موسڵ، كە 29 كەسن و لەلایەن چەكدارانی داعشەوە رفێندرابوون ئازاد دەكرێن".

گوتیشی: "بەردەوامین لە پەیوەندیكردن لەگەڵ هەموو لایەنەكان لە عێراق و لەوانەیە سبەی یان دوو سبەی ئازادبكرێن و بگەڕێنەوە".

مانگی حوزەیرانی رابردوو، چەكدارانی دەوڵەتی ئیسلامی (داعش) لە شاری موسڵ هێرشیان كردە سەر كونسوڵخانەی توركیا لەو شارە و 48 كەسیان رفاند، كە لەنێویاندا كونسوڵی ئەو وڵاتە هەبوو و بۆ شوێنیكی نادیاریان گواستەوە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger