رووداو - عەرەبییە
سەدان یەمەنی لە سەنعای پایتەختی ئەو وڵاتە خۆپێشاندانیان كرد و دژ بە گرووپی حوسییەكان و حكومەتی ئێران دروشمیان بەرز كردەوە.
خۆپێشاندەران حكومەتی ئێرانیان تۆمەتباركردووە بەوەی، كە لە رووی دارایی و دابینكردنی چەكەوە پشتگیری حوسییەكانی یەمەن دەكات .
خۆپێشاندەران هەروەها مەنسوور هادی، سەرۆككۆماری یەمەنیان بە بەرپرسیار زانیوە لەوەی كە رێگری لە حوسییەكان نەكردووە، كە دەستیان داوەتە هێرش و تاڵانكردنی دامەزراوە حكومییەكان، هەروەها داوایان لە سەرۆككۆماری یەمەن كردووە بۆ بەرگریكردن لە وڵات ئەنجوومەنی سەربازی پێكبهێنێت ، لەگەڵ ئەوەش هەڵبژاردنی پێشوەخت بۆ پەرلەمان و سەرۆكایەتی كۆمار ئەنجامبدات.
ئەمەش لە كاتێكدایە، كە حوسییەكان لە رۆژی هەینییەوە ماوەی 10 رۆژ مۆڵەتیان بۆ حكومەت داناوە، كە لەو ماوەیەدا كابینەی نوێی حكومەت رابگەیەنێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ