رووداو - هەولێر
لە ئەنجامی بۆردوومانی شارەکانی گەرمی و جەعفەرئاباد لە پارێزگای ئەردەبیل سێ کەس گیانیان لەدەستداوە و سێی دیکەش بریندارن
ئەمڕۆ یەکشەممە 5-4-2026 ئیبراهیم ئیمامی، جێگری پارێزگاری ئەردەبیل بۆ کاروباری ئەمنی رایگەیاند، لە هێرشێکی ئەمریکا و ئیسرائیلدا بۆ سەر چەند ناوچەیەکی پارێزگای ئەردەبیل لە شاری (گەرمی) و (جەعفەرئاباد)، تاوەکو ئێستا سێ کەس گیانیان لەدەستداوە و سێی دیکەش بریندارن.
ئەو بەرپرسە ئێرانییە ئاماژەی بەوەش کردووە، کە لێکۆڵینەوەی کۆتایی لەبارەی وردەکاریی هێرشەکە و زیانەکان بەردەوامە و زانیاریی زیاتر لە داهاتوودا بڵاودەکەنەوە.
هاوکات، داوای لە دانیشتووانی ناوچەکە کردووە "هێمنی بپارێزن" و تەنیا لە رێگەی سەرچاوە فەرمییەکانەوە چاوەڕوانی هەواڵ و زانیارییەکان بن.
هەر ئەمڕۆ یەکشەممە 5-4-2026 قایمقامی شاری کۆهگیلویە رایگەیاند، ناوچەی کوهـ سیا لە شاری کۆهگیلوویە، لەلایەن ئەمریکا و ئیسرائیلەوە مووشەکباران کراوە، لە ئەنجامدا سێ کەس گیانیان لە دەستداوە و دوو کەسیش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ