خەڵکی تاران خوێن بۆ بریندارانی هێرشەکان دەبەخشن

گالەری

خەڵکی تاران خوێن بۆ بریندارانی هێرشەکان دەبەخشن

دوێنێ کاژێر 04:21

26 Photos

رووداو- دیجیتاڵ

لە ناوەندی خوێنبەخشینی تاران، ژمارەیەکی زۆری هاووڵاتییانی ئێران کۆبوونەتەوە بۆ بەخشینی خوێن بە بریندارانی زنجیرە هێرشەکانی ئەمریکا و ئیسرائیل بۆ سەر ئێران.

ئەم هەنگاوە مرۆییە لە کاتێکدایە کە هێرشەکان بۆ سەر شار و ناوچەکانی بەردەوامن و ژمارەی بریندارەکان لە هەڵکشاندایە.

لە وێنەکاندا دەردەکەوێت، سەدان هاووڵاتی لە ناوەندی سەرەکیی خوێنبەخشین لە تاران ریزیان بەستووە. ئەم دیمەنە، هاوکاری و پشتیوانی خەڵکی ئێران بۆ یەکدی لەم دۆخە سەختەدا نیشان دەدات.

وەزارەتی تەندروستی و مانگی سووری ئێران نوێترین ئاماری قوربانییانی هێرشە ئاسمانی و مووشەکییەکانی ئەمریکا و ئیسرائیلیان بۆ سەر وڵاتەکەیان بڵاوکردەوە و رایدەگەیێنن، زیاتر لە 10 هەزار کەس بوونەتە قوربانی.

حوسێن کرمانپوور، گوتەبێژی وەزارەتی تەندروستیی ئێران رایگەیاند، لە سەرەتای دەستپێکردنی هێرشەکانەوە تاوەکو ئێستا 1221 کەس گیانیان لەدەستداوە و ژمارەی بریندارەکانیش گەیشتووەتە نێوان 9 بۆ 10 هەزار کەس.

ئاماژەی بەوەش داوە کە تەنیا لەنێو بریندارەکاندا، 700 کەسیان تەمەنیان لە خوار 18ساڵەوەیە.