هەڵەیەک روویدا! دووبارە هەوڵبدە
رووداو دیجیتاڵ
هێزی دەریایی و ئەسمانی سوپای پاسداران لە راگەیێندراوێکی هاوبەشدا دەڵێن: دەستیان لە سەر پەلەپیتکەیە و وەڵامی بچووکترین هەڵەی دووژمنەکانیان دەدەنەوە.
رۆژی چوارشەممە، 8ی نیسانی 2026، هێزی دەریایی و هێزی ئاسمانی سوپای پاسدارانی ئێران راگەیێندراوێکی هاوبەشیان بڵاوکردەوە.
لە راگەیێندراوەکەدا هاتووە،" ئەمڕۆ ئەزموونتان کرد و بینیتان دەستمان لەسەر پەلە پیتکەیە، ئەگەر دووژمن بچووکترین هەڵەی کرد، بە هێزێکی تەواوەوە وەڵامی دەدرێتەوە."
ئەوە لە کاتێکدایە، بەرەبەیانی ئەمڕۆ ئەمریکا و ئێران رایانگەیاند، لە سەر ئاگربەستێکی دوو هەفتەیی رێکەوتوون و هێرش و بۆردوومانەکان دەوەستن.
یەکێک لە خاڵەکانی ئاگربەستە دوو هەفتەییەکە راگرتنی ئۆپەراسیۆنە سەربازییەکانە لە هەموو بەرەکان، لەوانەش بەرەی لوبنان.
دوای راگەیاندنی ئاگەبەست و ئەمڕۆ فڕۆکە جەنگییەکانی ئیسرائیل شارۆچکەی (سریفا)یان لە باشووری لوبنان بۆردوومان کرد.
ئیسرائیل دەڵێت، کە لوبنان بەشێک نییە لەو ئاگربەستە.
هەروەها دۆناڵد ترەمپ رایگەیاند، لوبنان بەهۆی حیزبوڵڵاوە لە ئاگربەستەکەی ئێران جیاکراوەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ