هەڵەیەک روویدا! دووبارە هەوڵبدە
ئێران
کارمەندانی مانگی سووری ئێران داروپەردووی باڵەخانەیەک هەڵدەدەنەوە بۆ گەڕان بەدوای تەرمی هاووڵاتییان. شوێنەکە نادیارە.
رووداو دیجیتاڵ
میدیای ئێران بڵاویانکردەوە، چەند شار لە پارێزگا جیاوازەکانی ئێران و رۆژهەڵاتی کوردستان رووبەڕووی هێرشێکی چڕی ئاسمانی بوونەتەوە و دەنگی تەقینەوەی بەهێز دەبیسترێت.
کاژێر 5ی بەرەبەیانی رۆژی سێشەممە 017-03-2026، میدیاکانی ئێران رایانگەیاند، جارێکی دیکە لەلایەن ئیسرائیل و ئەمریکاوە هێرش کراوەتە سەر چەند شارێکی جیاواز بەگوێرەی زانیارییە سەرەتاییەکان، ئامانجی هێرشەکان بنکە و بارەگا سەربازییەکان بووە، بنکە سەربازییەکان لەو شوێنانە بۆردوومان کراون لەوانە تارانی پایتەختی وڵاتەکە.
هاوکات لەگەڵ هێرشەکانی سەر چەند ناوجەیەکی جیاواز لە تاران ، دەنگی تەقینەوەی بەهێز لە شارەکانی کەرەج، مازەندەران،ئیسفەهان بەندەر عەباس، خۆڕەمشار، لارستان، چابەهار، ئابادان و تەوریز بیستراوە. هەروەها لە رۆژهەڵاتی کوردستانیش دەنگی تەقینەوە لە مهاباد، بۆکان، سەوڵاوا لە پارێزگای سنە و لە کرماشانیش بیستراوە، بەڵام هێشتا زیانەکان رانەگەیێندراون.
ئەم ئاڵۆزییە سەربازییانە لە کاتێکدایە، کە لە 28ـی شوباتی رابردووەوە ئەمریکا و ئیسرائیل هێرشیان کردە سەر ئێران. تاران وەک وەڵامێک بۆ ئەو هێرشانە، چەندین وڵاتی کەنداوی بە مووشەک و درۆن کردە ئامانج و پاساوی ئەوەی هێنایەوە کە هێزەکانی ئەمریکا خاکی ئەو وڵاتانە بۆ لێدانی ئێران بەکاردەهێنن.
بەگوێرەی ئامارەکانی مانگی سووری ئێران، لە ئەنجامی هێرش و بۆردوومانەکانی ئەمریکا و ئیسرائیلەوە تاوەکو ئێستا زۆرتر لە دوو هەزار کەس کوژراون. لە بەرامبەردا، سوپای ئەمریکا بە فەرمی کوژرانی 13 سەربازی خۆی لەم جەنگەدا راگەیاندووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ