رووداو دیجیتاڵ
لە 24 کاژێری رابردوودا بۆردوومانی سەر چەند ناوچەیەکی تاران بەردەوام بوون، بەگوێرەی ئەو دیمەنانەی بڵاوکراونەتەوە، دەنگی تەقینەوەی بەهێز دەبیسترێن و لە هەندێک شوێنیش دووکەڵی چڕ دەبیندرێت.
بەرەبەیانی ئەمڕۆ چوارشەممە 25-03-2026، هاوشێوەی رۆژانی رابردوو هێرشێکی چڕ کرایە سەر چەند ناوچەیەکی تاران، لەوانەش جەنەتئابادی رۆژئاوا، گۆڕەپانی دەستوارە، وێلێنجەک و زەعفەرانییە و رۆژهەڵاتی شارەکە.
بەگوێرەی میدیاکان، لەگەڵ بیستنی دەنگی چەند تەقینەوەیەکی بەهێز، سیستمی بەرگریی ئاسمانی لە ناوچە جیاجیاکانی تارانیش کارا کراوە.
هاوکات لە چەند ناوچەیەکی کەرەجیش دەنگی تەقینەوەی بەهێز بیستراوە و بەگوێرەی ئەو دیمەنانەی بڵاوکراونەتەوە، دووکەڵی چڕ لە ناوچەیەکی تاران بەرزبووەوە.
تاوەکو ئێستا زیانەکانی هێرشەکەی بەرەبەیانی ئەمڕۆ بۆ سەر تاران و دەوروبەری دیار نییە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ