عەلی لاریجانی بە سەرۆکی پەرلەمانی ئێران هەڵبژێردرایەوە

رووداو-هەولێر

عەلی لاریجانی لە هەڵبژاردنی ساڵی چوارەمی ئەم خولەی پەرلەمانی ئێران بە سەرۆکی پەرلەمان هەڵبژێردرایەوە.

لەکۆی 274 دەنگی پەرلەمانتارانی ئێران، عەلی لاریجانی 155 دەنگی بەدەستهێنا و محەممەد رەزا عارف بەربژێری فراکسیۆنی ئومید 105 دەنگی بەدەستهێنا.

لاریجانی لەدوای ئەوەی دەنگی زۆرینەی پەرلەمانتارانی بەدەستهێنا گوتی: "سوپاستان دەکەم بۆ ئەوەی دووبارە متمانەتان پێبەخشیمەوە، هیوادارم لەو ساڵەی کە لەپێشمانە، بە پشتیوانی و هەوڵی ئێوە بتوانین ئەو کێشە و گرفتە گرنگانەی لەپێشمانن چارەسەریان بکەین".

سەرۆکی پەرلەمانی ئێران هەروەها هیوای خواست، کێشە ئابوورییەکانی خەڵکی ئێران چارەسەربکرێن و هەروەها پرسە ناوچەیی و نێودەوڵەتییەکانی ئێران، بگەنە ئامانجی خۆیان.

ماوەی هەر خولێکی پەرلەمانی ئێران چوارساڵە و هەموو ساڵێک بەپێی پەیڕەوی ناوخۆی پەرلەمانی ئەو وڵاتە، دەستەی سەرۆکایەتی نوێ هەڵدەبژێردرێنەوە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger