رووداو دیجیتاڵ
کۆمەڵەی مانگی سووری ئێران لە نوێترین راپۆرتیدا قەبارەی ئەو زیانە مادییانەی ئاشکرا کرد کە لە ئەنجامی هێرشە ئاسمانییەکانی ئەمریکا و ئیسرائیل بەر ناوچە نیشتەجێبووەکانی ئەو وڵاتە کەوتووە. بەپێی ئامارەکان، زیاتر لە 102 هەزار یەکەی نیشتەجێبوون و بازرگانی زیانیان بەرکەوتووە.
مانگی سووری ئێران رایدەگەیێنێت، لە ئەنجامی بۆردوومانە چڕەکاندا 102 هەزار و 43 یەکەی سڤیل زیانیان بەرکەوتووە کە 80 هەزار و 212یان یەکەی نیشتەجێبوونن و 20 هەزار و 917 یەکەی دیکەش بازرگانین.
بە گوێرەی مانگی سووری ئێران، تەنیا لە تاران، 39 هەزار و 369 یەکەی نیشتەجێبوون و بازرگانی زیانیان بەرکەوتووە یان بەتەواوی وێران بوون.
راگەیێنراوەکە ئاماژە بەوەش دەکات، هێرشەکان تەنیا ناوچە سەربازییەکانیان نەگرتووەتەوە، بەڵکو ژێرخانی خزمەتگوزارییەکانیش کراونەتە ئامانج، بەم جۆرە:
تەندرووستی: 296 بنکەی تەندروستی و نەخۆشخانە زیانیان بەرکەوتووە.
پەروەردە: 600 قوتابخانە و ناوەندی پەروەردەیی لە ناوچە جیاجیاکان وێران بوون یان زیانیان بەرکەوتووە.
تیمەکانی فریاگوزاری: 18 لق و ناوەندی مانگی سوور، 48 ئۆتۆمبێلی ئۆپەراسیۆن، 46 ئەمبووڵانس و 3 هێلیکۆپتەری فریاگوزاری کراونەتە ئامانج و لەکارکەوتوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ