پرسەی خامنەیی لە نەجەف بە بەشداریی موقتەدا سەدر

گالەری

پرسەی خامنەیی لە نەجەف بە بەشداریی موقتەدا سەدر

18 کاژێر له‌مه‌وپێش

19 Photos

رووداو دیجیتاڵ

دوای ئەوەی عەلی خامنەیی، رێبەری کۆماری ئیسلامیی ئێران، لە هێرشێکی ئاسمانیی هاوبەشی ئەمریکا و ئیسرائیلدا کوژرا، رێوڕەسمی پرسە و ماتەمینیی گەورە لە مەزارگەی ئیمام عەلی لە شاری نەجەفی عێراق بەڕێوەچوو.

کوشتنی خامنەیی شۆکێکی گەورەی لەنێو شیعە مەزهەبەکاندا بەدوای خۆیدا هێنا و کاردانەوەی فراوانی لەسەر ئاستی ناوچەیی و نێودەوڵەتی لێکەوتەوە.

موقتەدا سەدر، رێبەری رەوتی سەدر و کەسایەتیی دیاری شیعە لە عێراق کە خاوەنی پێگەیەکی جەماوەریی بەهێزە، بەشداریی لە پرسەکەدا کرد. بەشداریکردنی سەدر گرنگییەکی تایبەتی هەبوو، چونکە ئاماژە بوو بۆ کاریگەریی رووداوەکە لەسەر پێکهاتە سیاسی و ئایینییەکانی ناوچەکە و پەیوەندییەکانی نێوان گرووپە شیعەکان.

هێرشەکەی سەر خامنەیی و کوژرانی، وەکو خاڵێکی وەرچەرخان لە مێژووی نوێی رۆژهەڵاتی نێوەڕاستدا سەیر دەکرێت و لەو رۆژەوە شەڕێکی نۆ رۆژە بەرۆکی ناوچەکەی گرتووە و تاوەکو ئێستا ئاسۆیەک بۆ کۆتاییهاتنی دیار نییە.