کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

موقتەدا سەدر، رێبەری رەوتی سەدر. وێنە: AFP

موقتەدا سەدر، رێبەری رەوتی سەدر. وێنە: AFP

عێراق

موقتەدا سەدر داوا لە ئێران دەکات عێراق لە ململانێکانی دووربخاتەوە

رووداو دیجیتاڵ

رووداو دیجیتاڵ

25-12-2020
گوێبگرە
0:00
0:00
قەبارەی دەق
رووداو دیجیتاڵ
رووداو دیجیتاڵ25-12-2020

بابەتی پەیوەندیدار

عەلی زەیدی: بەم نزیکانە پڕۆژەیاسای بودجەی 2027 دەنێرینە پەرلەمان
عێراق22-11-2026

عەلی زەیدی: بەم نزیکانە پڕۆژەیاسای بودجەی 2027 دەنێرینە پەرلەمان

دادگای عێراق رێکار دژی تۆمەتبارانی بەقاچاخبردنی نەوت لەنێوان زیقار و بەسرە دەگرێتەبەر
عێراق22-11-2026

دادگای عێراق رێکار دژی تۆمەتبارانی بەقاچاخبردنی نەوت لەنێوان زیقار و بەسرە دەگرێتەبەر

ئاسایشی نیشتمانیی عێراق: سەرکردەیەکی دیاری داعشمان لە دیالە کوشت
عێراق22-11-2026

ئاسایشی نیشتمانیی عێراق: سەرکردەیەکی دیاری داعشمان لە دیالە کوشت


رووداو دیجیتاڵ 

موقتەدا سەدر، رێبەری رەوتی سەدر لە تویتێکدا رایدەگەیێنێت، عێراق بووەتە قوربانیی ململانێی نێوان ئەمریکا و ئێران، بۆیە داوا لە ئێران دەکات، کە بە "دراوسێی ئازیز" ناوی دەبات، عێراق لە ململانێکانی دووربخاتەوە. 
 
سەدر لە تویتەکەیدا نووسیویەتی، "عێراقی خۆشەویست بووەتە قوربانی ململانێی ئەمریکی - ئێرانی و بەشێوەیەک زیانی پێگەیشتووە کە ناکرێت بێدەنگبین بەرامبەری، وەکو ئەوەی بڵێی گۆڕەپانێکە بۆ ململانێ سەربازی و ئەمنی و سیاسی و ڤایرۆسییەکانیان، ئەوەش بەهۆی لاوازی حکومەت و دابەشبوونی گەلەوە".
 
سەدر هۆشداریش دەدات کە عێراق بەشێک نییە لە ململانێکان، دەڵێت "هۆشداریش دەدەمە داگیرکەر لە قووڵبوونەوەی لەو ململانێیە. چونکە عێراق و عێراقییەکان لایەنێک نین لە ململانێکە و ئێمە لە قۆناخی بونیادنانی عێراقی خۆشەویستداین".
 
لەگەڵ نزیکبوونەوەی ساڵیادی کوژرانی قاسم سولەیمانی، فەرماندەی پێشووی فەیلەقی قودسی سوپای پاسداران و ئەبومەهدی موهەندیس، جێگری سەرۆکی دەستەی حەشدی شەعبی، ئەمریکا دەڵێت، دەنگۆی ئەوە هەیە هێرشبکرێتە سەر سەرباز و دامەزراوەکانیان لە عێراق. لە سەرەتای ئەم هەفتەیەش باڵیۆزخانەی ئەمریکا بە مووشەک کرایە ئامانج کە دواتر دۆناڵد ترەمپ، ئێرانی بە دەستهەبوون لە هاویشتنی مووشەکەکان تۆمەتبارکرد.
 
رۆژی پێنجشەممە دۆناڵد ترەمپ، سەرۆکی ئەمریکا لە تویتێکدا رایگەیاند، مووشەکەکان لەلایەن ئێرانەوە هاوێژراون و هەر ئەمریکییەکیش لە عێراق بکوژرێت ئەو ئێران بە بەرپرس دەزانێت. 
 
لە تویتەکەی ترەمپدا ئەوەشهاتبوو کە دەنگۆی هێرشی دیکە بۆسەر ئەمریکییەکان لە عێراق هەیە. بۆیە داوا لە ئێران دەکات، دووجار بیر بکەنەوە. سەرۆکی ئەمریکا رایگەیاند، "ئامۆژگارییەکی دۆستانەی" بۆ ئێران هەیە و "ئەگەر هەر ئەمریکییەک بکوژرێت، من ئێران بە بەرپرسیار دادەنەم".

موقتەدا سەدر دەڵێت، لە ئەگەری وەڵامنەدانەوە "هەڵوێستێکی سیاسی و میللیمان دەبێت بۆ ئەوەی گەل و نیشتمان و پیرۆزییەکان و خۆم بپارێزم لەم دەستێوەردانە قبووڵنەکراوە".

لە تویتەکەی موقتەدا سەدردا ئەوەشهاتووە، عێراق سەر بە هیچ کەس نابێت، "هەر خۆیشی سەرچاوەی.. بەرخۆدانی یەکەمە لە دژی داگیرکاری و ملکەچ نابێت و کڕنووش نابات بۆ خودا نەبێت".
 
هاوکات مستەفا کازمی، سەرۆکوەزیرانی عێراق رایگەیاند، ئاسایشی عێراق لە ئەستۆماندا ئەمانەتە و بەبێدەنگی و ئارامی کاریان بۆ گەڕاندنەوەی متمانەی گەل و دامەزراوە ئەمنییەکان و سوپا بە دەوڵەت کردووە.
 
سەرۆکوەزیرانی عێراق دەڵێت، لە هەوڵەکانیاندا بۆ گەڕانەوەی متمانەی خەڵک و دامەزراوە ئەمنییەکان و سوپا بە دەوڵەت سەرکەوتنیان بەدەستهێناوە، دوای ئەوەی ئەو متمانەیە بەهۆی هەندێک سەرکێشیەوە نەما. 

مستەفا کازمی، سەرۆکوەزیرانی عێراق لە پەیامێکدا ئاماژە بەوەش دەکات، ئاسایشی عێراق ئەمانەتە و جەخت لەوەش دەکاتەوە، داوای هێورکردنەوەی رەوشەکەیان کردووە بۆئەوەی جارێکی دیکە عێراق پەلکێشی سەرکێشییەکی سەرەڕۆییانەی دیکە نەکرێت. هاوکات جەختدەکاتەوە کە بۆ رووبەڕووبوونەوەی یەکلاکەرەوە ئامادەن، "بەڵام ئەوە کاتێک دەبێت کە ئەگەر پێویست بێت". کازمی روونی نەکردووەتەوە کە رووبەڕووبوونەوەکە لەگەڵ کێ دەبێت.
 

 

بابەتی پەیوەندیدار

عەلی زەیدی: بەم نزیکانە پڕۆژەیاسای بودجەی 2027 دەنێرینە پەرلەمان
عێراق22-11-2026

عەلی زەیدی: بەم نزیکانە پڕۆژەیاسای بودجەی 2027 دەنێرینە پەرلەمان

دادگای عێراق رێکار دژی تۆمەتبارانی بەقاچاخبردنی نەوت لەنێوان زیقار و بەسرە دەگرێتەبەر
عێراق22-11-2026

دادگای عێراق رێکار دژی تۆمەتبارانی بەقاچاخبردنی نەوت لەنێوان زیقار و بەسرە دەگرێتەبەر

ئاسایشی نیشتمانیی عێراق: سەرکردەیەکی دیاری داعشمان لە دیالە کوشت
عێراق22-11-2026

ئاسایشی نیشتمانیی عێراق: سەرکردەیەکی دیاری داعشمان لە دیالە کوشت

پێشنیازەکان

ئەمەنەش ببینە