رووداو دیجیتاڵ
ئەسوان کلدانی، سەرۆکی فراکسیۆنی بابلیۆن لە ئەنجوومەنی نوێنەرانی عێراق، سەرکۆنەی هێرشی درۆنی بۆ سەر ماڵی نێچیرڤان بارزانی دەکات و دەڵێت، ئەم کارە تەنیا کەسێک ناکاتە ئامانج، بەڵکو هەڕەشەیە بۆ سەر سەقامگیریی عێراق.
ئەسوان کلدانی ئاماژەی بەوە کردووە: "سەرکۆنەی بە ئامانجگرتنی ماڵی نێچیرڤان بارزانی، سەرۆکی هەرێمی کوردستان بە فڕۆکەی بێفڕۆکەوان دەکەین و ئەم رووداوە بە ئاماژەیەکی نیگەرانکەر دەزانین کە پێویستە بە بەرپرسیارێتییەکی باڵاوە هەڵوەستەی لەسەر بکرێت."
سەرۆکی فراکسیۆنی بابلیۆن باسی لە پێگەی نێچیرڤان بارزانی کرد و گوتی: "ئەم جۆرە کارانە تەنیا لێدان نییە لە کەسایەتییەک، بەڵکو زیان بە سەقامگیریی گشتی و یەکپارچەیی کۆمەڵایەتیی عێراق دەگەیێنێت؛ بەتایبەت کە نێچیرڤان بارزانی خاوەن قبووڵکراوییەکی نیشتمانییە و رۆڵێکی کۆکەرەوەی هەیە لە بەهێزکردنی گفتوگۆدا."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ