لە میانەی رووماڵی تایبەتی رووداو بۆ بەشداریی لارا دزەیی، دیزاینەری کورد، لە هەفتە نمایشی جلوبەرگی میلانۆ، مۆنیکا کیبۆرۆ، جێگری سەرۆکی لیژنەی بەرگری لە پەرلەمانی ئیتاڵیا، ستایشی کولتوور و دابوونەریتی کوردی کرد و بە "جیهانێکی ئەفسووناوی و بەهێزی کولتووری" ناساندی. ناوبراو جەختی لە گرنگیی دیپلۆماسیی کولتووری بۆ پتەوکردنی پەیوەندییەکان و ناساندنی کورد بە جیهان کردەوە.