مەترسیی لەسەر ژیانی دوو منداڵی نەخۆش هەیە

 

 

 

باوکی هێڤی پێشمەرگەیە و ئەو کاتەی کە لەماڵە وەک باسیدەکات تەنیا لە رێگەی نەخۆشخانەن.

 

ئەینی عومەر، باوکی دوو منداڵەکە، بە گریانەوە باسی دۆخی خۆی و دوو منداڵەکەی دەکات و دەڵێت: "خەرجیی چارەسەرییان زۆرە و لە توانای مندا نییە. مانگانە یەک ملیۆن دینار لە چارەسەرییەکان خەرج دەکەم. دۆخیان خراپە و شەو تاوەکو بەیانی چاودێرییان دەکەم."

 

نەخۆشییەکەی هێڤی لە قوتابخانەی دابڕاندووە و بەردەوام سەیری جانتاکەی دەکات و فرمێسک بە چاوەکانی دێتەخوارەوە. دونیا عەبدولڕەحمان، دایکی محەممەد و هێڤی، دەڵێت: "دایکی چوار منداڵم و زۆر هیلاکم. داوا لە حکومەت و  خێرخوازان دەکەم خەرجیی چارەسەریی منداڵەکانم بگرنە ئەستۆ."

 

محەممەد تەمەنی 4 ساڵە و بەهۆی نەخۆشییەکەیەوە بەردەوام سکی ئاوساوە. دکتۆر جیسار سەلیم، پسپۆڕی نەخۆشییەکانی گورچیلە، کەسوکاری ئەو منداڵەی لە مەترسیی لەسەر ژیانیان ئاگادارکردووەتەوە و دەڵێت: " پێویستە بەپەلە نەشتەرگەریی چاندنی گورچیلە بۆ هێڤی بکرێت. محەممەدیش تاوەکو شەش مانگی دیکە دەگاتە دۆخی هێڤی و ئەویش پێویستی بە چاندنی گورچیلەیە."

 

ئەو خێزانە لە گوندی تۆپزاوەی سنووری ناحیەی رۆڤیا لە خانووی خێرخوازێک دەژین. چاوەڕێی هاوکاریی خێرخوازانن بۆ ئەنجامدانی نەشتەرگەریی چاندنی گورچیلە و رزگارکردنی دوو منداڵەکەیان.