منداڵێکی 8 ساڵان هەردوو جوومگەی دەرچووە و پێویستی بە نەشتەرگەرییە
دیاری مستەفا قوتابی قۆناخی دووەمی بنەڕەتییە، بەهۆی دەرچوونی جوومگەکانی ناتوانێت دابنیشێت و بە قاچەکانی بڕوات. بۆ بەردەوامبوونی لە خوێندنەکەی خوشکێکی دیاری وازی لە خوێندن هێناوە و رۆژانە خزمەتی براکەی دەکات. ئەو خێزانە کەمدەرامەتن و توانای دابینکردنی خەرجیی نەشتەرگەریی کوڕەکەیان نییە.
باوکی دیاری پۆلیسە لە سۆران. شەهێن بوورهان، دایکی دیاری دەڵێت: "درەنگ بە نەخۆشیی کوڕەکەم زانی، تاوەکو ئێستا چوار نەشتەرگەریی بۆ کراوە و سەرکەوتوو نەبووە. پزیشک گوتی، دوایین نەشتەرگەریی دیاری لە دەرەوەی وڵات دەکرێت، توانامان نییە بۆ خەرجیی ئەو نەشتەرگەرییە."
دکتۆر رەمەزان تەها، پزیشکی پسپۆڕی نەشتەرگەریی جوومگە، ئێسک و شکان، دەڵێت، "دیاری زۆر درەنگ گەیێنراوەتە پزیشک و ئەوەش هۆکاری سەرکەوتوونەبوونی نەشتەرگەرییەکەیە. ئەو جۆرە نەشتەرگەرییە لە تەمەنی پێش دوو ساڵی سەرکەوتووە، بەڵام دوای ئەو تەمەنە لە هیچ سەنتەرێکی جیهان رێژەی سەرکەوتنی ئەو نەشتەرگەرییە نادات."
به‌شی بكه لە
-15052024062802.jpg?mode=crop&quality=70&rand=1&scale=both&w=267&h=155 "40 ساڵە خەڵکی ناحیەی باشیک گیرۆدەی کەمئاوین")
