کەسێک بە بردنی دەیان ملیۆن دۆلار تۆمەتبار دەکرێت

 

 

 

تاریق محەممەد، هاوڕێی تۆمەتبارە و یەکێک لە سکاڵاکارەکانە، دەڵێت: "حەوت مانگە لەگەڵ کۆمپانیای سەلوانا دایمۆند کاردەکەم، زیاتر لە 30 ساڵە بەڕێوەبەرەکە دەناسم، بەڵام ئەو رۆیشتووە بۆ بەریتانیا و پارەکەی بردووە، زیاتر لە 80 کەس لە کەسوکارم پارەیان بە کۆمپانیاکە داوە."

 

عەبدولقادر محەممەد، ئەو کەسەی کە تۆمەتبار دەکرێت و وەک لقی هەولێری کۆمپانیاکە خۆی دەناسێنێت، رەتیدەکاتەوە هیچ بڕە پارەیەکی لەو کەسانە وەرگرتبێت.

 

عەبدولقادر محەممەد، سکاڵالێکراو، دەڵێت: "ئەو قسانەی سکاڵاکاران بنەمای نییە. بەردەوام یارمەتی تاریقم داوە. پارەم لە هیچ کەسێک وەرنەگرتووە، هەرکەسێک پارەی بۆ سەلوانا شێر ناردووە مانگانە پارەی بۆ هاتووەتەوە وەک قازانج، لقی کۆمپانیاکەی من [سەلوانا دایمۆند] پەیوەندی بەو کارانەوە نییە کاری وەبەرهێنانە و مۆڵەتم هەیە."

 

ئەحمەد فەرهاد، بەشداربوویەکی کۆمپانیاکەیە، ئەو رەتیدەکاتەوە هیچ لایەنێک "خەتابار" بن. "بەدواداچوونم بۆ کۆمپانیاکە کرد و دەرکەوت بنەمای هەیە، نزیکەی 20 لقی لە وڵاتان هەیە. شەش دەفتەرم داخل کردووە، بەڵام پارەکە مانگانە بۆت دەهات لەوانەیە زیاتر لەو بڕەشمان وەرگرتبێت. بە دەقە و کاژێر پارەکە دەهاتە سەر ئەکاونتەکەت."