فیچەر - پیشەی گوستیلەفرۆشی لە بەغدا

باوکی فاتیمە، یەکێکە لە ناسراوترین گوستیلەفرۆشەکانی بەغدا بە ئەزموونی 35 ساڵ لەم بوارەدا. ئەو خاوەنی کۆڵێکشنێکی دەگمەنە لە نزیکەی 150 جۆری جیاوازی بەردی گرانبەها، کە هەمووی کۆن و ئەسڵین.

لە نێو گوستیلەکانیدا، گرانترینیان گوستیلەی "مەلیک سەلمان عەبدولعەزیز"ە کە نرخەکەی 4 هەزار دۆلارە. هەروەها گوستیلەی "یاقوتی دەستکردی عێراقی" بە نرخی 125 هەزار (دیناری عێراقی) و گوستیلەی نمایشی بە کێشی 50 گرام هەیە.

ئەو بەردەکانی بەپێی تایبەتمەندییەکانیان پۆلێن دەکات، وەکو مەرجانی بە بەردبوو کە بۆ خۆشەویستی و قبوڵکردن بەکاردێت، "ژنە سوڵتانی" کە لە شێوەی ژنە، "فەیرۆزی"، هەروەها بەردی سوڵتانی کە پێی دەوترێت "گوللە نەبڕە" کە روحانییەکان بەکاریدەهێنن.

سەرەڕای ئەوەی دووکانیشی هەیە، زۆرینەی کڕینوفرۆشتنی لەسەر مێزێکی تایبەتە، چونکە خەڵک پێیانوایە نرخی دووکان گرانترە.