فیچەر - مزگەوتێکی بەردەڕەش تەمەنی 218 ساڵە

مزگەوتی گەورەی دارەتوو لە قەزای بەردەڕەش 218 ساڵە دروستکراوە. تەواوی مزگەوتەکە لە خشتی قوڕ دروستکراوەو سەری مزگەوتەکە بە کاریتە گیراوە.
دیواری مزگەوتەکە مەترێک ئەستوور دەبێت و بە قوڕ سواخ دراوە. مزگەوتەکە بە وەرزی هاویندا فێنک و لە وەرزی زستانیشدا گەرمە.
زۆربەی رۆژانی هەینی لەم مزگەوتە نوێژی هەینی دەکرێت و خەڵک لە زۆربەی گەڕەکەکان دێنە ئەم مزگەوتە بۆ نوێژی هەینی.
مزگەوتەکە لەسەر 300 مەتر چوارگۆشە لە ساڵی 1805 لە گوندی کۆنی دارەتوو کە ئێستا سەنتەری ناحیەی بەردەڕەشە دروستکراوە.