نەرمین عوسمان

ئه‌و كه‌سایه‌تییه‌كی دیاری نێو سیاسه‌ته‌ و رۆڵی له‌ گفتوگۆكانی هه‌ولێر وبه‌غدا هه‌یه‌، به‌تایبه‌ت له‌ مادده‌ی سه‌دوچل و قسه‌ كردن له‌سه‌ر ناوچه‌ كوردستانییه‌كانی ده‌ره‌وه‌ی هه‌رێم. 

نه‌رمین عوسمان ئه‌ندامی سه‌ركردایه‌تی یه‌كێتی نیشتمانی كوردستانه‌ و پێشتر پۆستی وه‌زیری له‌ حكوومه‌تی ناوه‌ندی عیراقی فیدرال هه‌بووه‌ و له‌ چه‌ند بوارێكی دیكه‌ی بابه‌ته‌ سیاسیی و كولتوورییه‌كان كاری كردووه‌ و رۆڵیكی دیاری له‌ كاری رێكخراوه‌ییش به‌تایبه‌ت له‌ بواره‌كانی گه‌نجان و ژن و منداڵان هه‌بووه‌. 

نه‌رمین عوسمان سه‌ره‌تای ژیانی له‌ كۆیه‌ و پاشان هه‌ولێر و دواتر له‌ سلیمان و به‌غدا هه‌بووه‌. 
به‌هۆی ژیانی كۆمه‌ڵایه‌تی و سیاسیی گۆرانكاری زۆر له‌ ژیانی ئه‌و هه‌بووه‌.

نه‌رمین عوسمان له‌ ئه‌ڵقه‌ی ئه‌مجاره‌دا و له‌به‌رنامه‌ی گولستان باس له‌ ژیانی رابردووی ده‌كات و بابه‌ته‌كانی ده‌ره‌وه‌ی سیاسه‌ت و كارگێری و ژیانی پراكتیكی باس ده‌كات.

زۆر نهێنی دیكه‌ له‌ ژیانی نه‌رمین هه‌یه‌ و له‌م ئه‌ڵقه‌یدا گولستان ئاشكرایان ده‌كات.


گولستان به‌رنامه‌یه‌كی گفتوگۆیی هێمنه‌ بۆ بابه‌ته‌ هه‌ستیاره‌كانی ژیانی كه‌سایه‌تییه‌ سیاسیی و هونه‌ری و كولتوورییه‌ دیاره‌كانی كوردستان و گفتوگۆیه‌كه‌ له‌ ده‌ره‌وه‌ی سیاسه‌ت. 

گولستان به‌رنامه‌یه‌كی تۆڕی مێدیایی رووداوه‌ له‌لایه‌ن كاسه‌یه‌تی ناسراوی باكووری كوردستان گولستان په‌روه‌ر، هه‌موو دوو هه‌فته‌جارێك له‌ رووداو پێشكه‌ش ده‌كرێت.