مێسی لە نێوان مانەوە و رۆیشتندا لە بارسێلۆنا

بەرنامەی ئەمجارەی ڤار تایبەت بوو بە کێشەکانی یانەی بارسێلۆنا، پێشکێشکارانی بەرنامە باسیان لە بارودۆخی ئێستای بارسێلۆنا کرد و هەڵوەستەیان لەسەر بارودۆخی بارسێلۆنا لە دوای مێسی کرد، هەروەها حوسێن ئەلرکابی شرۆڤەکاری وەرزشی لە ئیسپانیاوە لە رێگەی سکایپەوە شرۆڤەی بارودۆخی یانە کەتەلۆنییەکەی کرد.
جگە لەوەش بە شێوازی ئێل ئیدی دێسکی وەرزشی رووداو پێشبینییان بۆ رۆیشتن و مانەوەی لیۆنێل مێسی کرد.
لە بەشێكی دیکەی بەرنامەکەشدا بە شێوازی سری دی ئەو یاریزانانە خرانەروو کە بارسێلۆنا دەستبەرداریان دەبێت و بەشێکی ئەو یاریزانانەی لە یانەکەدا ماونەتەوە لەگەڵ ئەو یاریزانانەی بارسێلۆنا دەیەوێت بیانکڕێت، ئەمە جگە لە پرۆفایلی بارسێلۆنا، رۆناڵدۆ کۆمان و لیۆنێل مێسی بە سری دی.